Maas: Verskil tussen weergawes

Die Maas se oorsprong is naby die dorp [[Pouilly-en-Bassigny]] op die [[Plateau van Langres]] in die suide van die [[Franse geweste|Franse gewes]] [[Champagne-Ardenne]]. Dit vloei noord (deur [[Lotaringe]] en weer deur Champagne-Ardenne) langs die Franse <ref>En langs die dorpie [[Domrémy-la-Pucelle]], wat die geboorteplek van [[Johanna van Arkel]] is.</ref> stede [[Verdun]], [[Sedan]] en [[Charleville-Mézières]].

Verby [[Givet]] vloei die rivier deur België, langs die [[Wallonië|Waalse]] stede [[Dinant]], [[Namur (stad)|Namur]] (Namen), [[Huy]] (Hoei) en [[Liège (stad)|Liège]] (Luik). Verby [[Visé]] (Wezet) vorm die Maas die grens tussen België en Nederland en vloei langs die [[Limburg, Nederland|Nederlands-Limburgse]] stad [[Maastricht]] en die [[Limburg, België|Belgies-Limburgse]] stad [[Maaseik]].

Vanaf [[Thorn, Nederland|Thorn]] vloei die Maas alleen nog deur Nederland, langs die Limburgse stede [[Roermond]] en [[Venlo]] en langs die [[Noord-Brabant]]se stede [['s-Hertogenbosch]] en [[Heusden]]. Tot 1904 het die Maas met die Waal -die grootste een van die drie Rynarme- naby Woudrichem saamgekom en het daar die Merwe of Merwede gevorm, wat bekend is van die Afrikaanse van ''Van der Merwe''. In 1904 is die Maas daar egter afgesluit en het sy water 'n ander uitweg gekry, deur die Bergse Maas wat suideliker gegrawe is. Via die [[Hollandsch Diep]] vloei dit nou in die [[Ryn-Maas-delta]], waar die water van die Maas vermeng met die Ryn se water in die [[Noordsee]] uitmond. In dié delta is daar nog stukke rivier soos die Oude Maas naby [[Dordrecht, Nederland|Dordrecht]], die Nieuwe Maas naby [[Rotterdam]] -wat homself trots die ''Maasstad'' noem- en die Brielse Maas naby [[Brielle]] wat die naam Maas dra en herinner aan die oorspronklike loop van die rivier. Die Brielse Maas het tot ná die Tweede Wêreldoorlog in die Noordsee uitgemond, maar is al voor die [[Watersnoodramp]] in 1953 afgesluit.