Gaia (mitologie): Verskil tussen weergawes

Content deleted Content added
kNo edit summary
→‎Mite: Skakel
Lyn 46:
In [[Hesiodus]] se ''[[Theogonie]]'' (116ff) word vertel hoe Gaia heel eerste uit Chaos ontstaan het. Sy het [[Uranos]], die lug en die sterre, uit haar eie voortgebring, asook die heuwels en die see [[Pontos]]. Daarna het sy en haar seun Uranos saam [[Okeanos]], [[Koios]], [[Krios]], [[Hyperion]], [[Iapetos]], [[Theia]], [[Rhea (mitologie)|Rhea]], [[Themis]], [[Mnemosyne]], [[Phoibe]] en [[Tetis]] gehad. Sy het ook die lewe geskenk aan [[Kronos]], die jongste en "verskriklikste van haar kinders", en hy het sy pa gehaat.
 
Hesiodus noem ook Gaia en Uranos se ander kinders: eers die reusagtige eenoog-[[Sikloop|siklope]], toe die drie verskriklike [[honderdhandige]] reuse, elk met vyftig koppe. Uranos het dié jongste kinders in [[Tartaros]] versteek sodat hulle nie die lig sou sien nie, en hy was baie in sy skik met dié wrede daad. Gaia was hartseer en maak toe ’n [[sekel]], roep haar ander seuns en vra hulle om hul pa te ontman. Net Kronos was dapper genoeg om dit te doen. Uit die semen of bloed wat op Gaia gespat het, het nog kinders ontstaan: die sterk [[Eriniër]]s, die [[Gigant]]e en die boomnimfe die [[Meliae]].
 
Uit Uranos se genitalieë wat in die see gegooi is, het [[Afrodite]] te voorskyn gekom. Daarna het Gaia [[Echidna]] en [[Typhon]] by [[Tartaros]] gehad. Sy het ook vyf seegode by Pontos gehad en die godin van luiheid, [[Airgia]], by [[Aither]].