Albanie-ruigte: Verskil tussen weergawes

Die '''Albany-ruigte'''<ref>Van Lill, Dawid. ''Sien Suid-Afrika: Visuele Feite''. Human en Rousseau, Kaapstad. ISBN 978-0-624-05443-6</ref> is ’n [[ekostreek]] in die suide van [[Suid-Afrika]]. Dit is gekonsentreer om die [[Albanie]]-streek van die [[Oos-Kaap]]. Die [[plant]]e van die streek groei in goed gedreineerde, sanderige grond in die breë valleie van die [[Groot-Visrivier|Groot-Vis-]], [[Sondagsrivier|Sondags-]] en [[Gamtoosrivier]] en verder noordwes in die valleie van die [[Kaapse Plooigordel]]. Die ruigte is kwesbaar vir brande en weiding en is dus beperk tot valleigebiede waar daar ’n kleiner bedreiging is as op die oop vlaktes.<ref>[http://www.worldwildlife.org/ecoregions/at1201 Wêreldnatuurfonds oor die Albany-ruigte] URL besoek op 29 Januarie 2016</ref>

Die ruigte bevat baie [[inheems]]e [[plant]]e, veral [[vetplant]]evetplante, en kan in drie dele met verskillende soorte plantegroei verdeel word. Dit is die ruigste in die riviervalleie naby die kus waar die struike doringagtige is met laer plante soos [[kruipplant|kruip-]] en vetplante. Hoër op en nader na die binneland word die klimaat droër en die plantegroei minder dig. Eindelik bestaan die plantegroei in die bergvalleie in die noordweste hoofsaaklik uit vetplante soos die [[spekboom]] (''Portulacaria afra'') en [[kerkeibos]] (''Crassula ovata''), asook [[kriedoring]] (''Lycium austrinum''), [[doppruim]] (''Pappea capensis''), [[ghwarrie]] (''Euclea undulata''), [[geelberggranaat]] (''Rhigozum obovatum''), [[aalwyn]]e en [[boerboonboom|boerboonbome]] (''Schotia afra''). Saam met die [[fynbos]]bioom vorm die gebied die [[Kaapse floraryk]].

[[Voël]]s in die gebied sluit in die [[swartsperwer]], [[swartkopwielewaal]] en twee spesies wat feitlik [[inheems]] aan die Kaap is, die [[oranjeborssuikerbekkie]] en [[Kaapse pietjiekanarie]]. Daar is een [[soogdier]] wat feitlik inheems is, die [[Duthie-kruipmol]] (''Chlorotalpat duthieae''), en die [[Addo-olifant Nasionale Park]] is die tuiste van die [[savanne-olifant]] (''Loxodonta africana'') en [[swartrenoster]] (''Diceros bicornis''), asook [[bok]]soorte soos die [[bosbok]] (''Tragelaphus scriptus''), [[vaalribbok]] (''Pelea capreolus''), [[rooiribbok]] (''Redunca fulvorufula''), [[eland]] (''Taurotragus oryx''), [[koedoe]] (''Tragelaphus strepsiceros''), [[rooihartbees]] (''Alcelaphus buselaphus''), [[Kaapse grysbok]] (''Raphicerus melanotis'') en [[gewone duiker]] (''Sylvicapra grimmia'').

Bewaringsgebiede sluit in die Addo-olifant Nasionale Park naby [[Port Elizabeth]], die [[Groendal-wildernisgebied]] en die [[Baviaanskloof-wildernisgebied]].