Blou Donau: Verskil tussen weergawes

In 1866 kry Strauss opdrag om 'n werk vir die Wiener Männergesangverein (Weense Mannesangvereniging) te skryf. So ontstaan die ''Op die skone Blou Donou''. Hy skryf die wals in sy destydse woonhuis te Praterstraat 54 in [[Wene]], wat deesdae die Johann Strauss Museum huisves. By die première op 13 Februarie 1867 vind hierdie koorwals egter weinig byval. Toe die komponis in Mei van dieselfde jaar die werk tydens die Wêreldtentoonstelling in [[Parys]] dirigeer, is dit triomfantlik ontvang, en het dit so deur die wêreld begin versprei. Dit is bekend dat [[Johannes Brahms]] 'n enorme bewondering vir hierdie wals gehad het. Op sy konserte het hy dikwels 'n sensasionele piano-vertolking daarvan gelewer.

In die tweede helfte van die negentiende eeu het die werk tot die mees gespeelde stuk in [[Oostenryk]] groei en het dit sedertdien 'n soort nasionale volkslied geword. Die Wiener Philharmoniker sluit tradisioneel hul nuwejaarskonsert met hierdie wals en die Radetzkymars af.