Tivoli: Verskil tussen weergawes

}}

'''Tivoli''' (antieke naam: '''Tibur'''), is 'n nedersetting in die Lazio-streek van Sentraal-[[Italië]], omtrent 30 km oos-noordoos van [[Rome]], by die oog van die Anienerivier waar dit ontspring in die Sabyne-bergreeks. Tivoli, wat deel uitmaak van Metropolitaanse Rome, het 'n bevolking van 56 533 (soos op 31 Desember 2015) en dien as setel van die gelyknamige [[Rooms-Katolieke Kerk|Rooms-Katolieke]] bisdom. Reeds in antieke tye was Tivoli 'n gewilde somervakansieoord vir welgesteldes wat die kwaai somerhitte van Rome ontvlug het. Tivoli het sindsdien 'n [[sinoniem]] geword vir 'n verskeidenheid ontspanningsgeriewe soos pretparke, tuine, sportstadions en teaters.

Die lang lys van bekende persoonlikhede, wat somervilla's in Tivoli en sy omgewing vir hulself laat bou het, sluit die Romeinse digters Catullus en [[Horatius]]; twee van [[Gaius Julius Caesar]] se moordenaars, Brutus en Cassius; en die keisers [[Hadrianus]] en [[Trajanus]] in. Tivoli se hoofaantreklikhede was sy skoon lug en sy ligging teen die hellings van die Tiburtini-heuwels, asook twee waterliggame waaraan genesende krag toegeskryf is - die plaaslike swaelbaddens en die Aniene-waterval. By die laasgenoemde is keiser Augustus volgens oorlewering genees van sy slaaploosheid.