Kernsplyting: Verskil tussen weergawes

In [[kernfisika]] en [[kernchemie]] is '''kernsplyting''' 'n [[kernreaksie]] waarvan die [[atoomkern|kern]] van 'n atoom in kleiner deeltjies (ligter kerne) opgedeel word; dikwels word vrye [[neutron]]e en [[foton]]e (in die vorm van [[gammastraal|gammastrale]]) ook geproduseer. Kernsplyting van swaarder elemente is 'n [[eksotermiese reaksie]] wat geweldige hoeveelhede energie kan vrystel in die vorm van [[elektromagnetiese radiasie]] en [[kinetiese energie]] van die fragmente, wat die massa materiaal [[hitte|verhit]] waar die reaksie voorkom. Om te sorg dat kernsplyting energie produseer, moet die totale [[bindingsenergie]] van die geproduseerde elemente hoër wees as dié van die begin-element. Kernsplyting is 'n vorm van [[kerntransmutasie]] omdat die nuutgevormde fragmente nie dieselfde is as die oorspronklike element nie.