Camden Town: Verskil tussen weergawes

|webwerf=

}}

'''Camden Town''', dikwels kort '''Camden''' genoem, is 'n buurt in [[Londen|Sentraal-Londen]] en die naamgewende stadsdeel vir die ''London Borough of Camden'', een van die administratiewe distrikte van [[Groter Londen]]. Die buurt, wat sowat vier kilometer noord van [[Charing Cross]] in die Londense middestad geleë is en in die suide aan een van die [[Verenigde Koninkryk|Britse]] hoofstad se uitgestrekte groen ruimtes, [[Regent's Park]], grens, het oorspronklik deel uitgemaak van die Kentish Town-landgoed en die Londense St Pancras-parogie.

 

Tot in die laat 18de eeu was die gebied nog oorwegend landelik, met verspreide plase, velde en oop land noord van Tottenham Court. Twee kroeë, ''Mother Red Cap'' (tans ''World's End'') en ''Southampton'' (tans ''Edwards''), het as oornagplekke vir koetspassasiers gedien in 'n gebied wat destyds deur padrowers, die sogenaamde ''highwaymen'', geteister is. In 1791 was Charles Pratt, graaf van Camden, die eerste van 'n groep welvarende Londenaars wat by die ontwikkeling van dié gebied betrokke was en Camden Town in 1791 as 'n residensiële buurt aangelê het. Die eerste beboude erwe was oos van ''Camden High Street'' geleë.

Teen die middel van die 19de eeu is Camden Town deur die snelgroeiende Londense stadsgebied verswelg. Die nabyheid van die Regent's Canal, een van die belangrikste waterweë binne Londen se netwerk van kanale, en die bou van 'n spoorlyn (Camden Town-stasie is in 1850 geopen), het die industriële ontwikkeling van Camden bevorder. Die bou van kanale en spoorweë het ook die eerste Ierse migrante na die gebied gelok, veral gedurende die Groot Hongersnood wat [[Ierland]] in die 1840's geteister het.