Anna Neethling-Pohl: Verskil tussen weergawes

Die stamvader van die Pohls in Suid-Afrika is Carl Friedrich Pohl, wat in [[1787]] vanuit Schivelbein in [[Pommere]] na Suid-Afrika emigreer en hom in Grahamstad gevestig het, waar hy op [[13 Mei]] [[1841]] oorlede is. Die boekhouer en later makelaar en afslaer Peter Huntley Carlisle (Pieter) Pohl is haar vader, wat ook bekendheid verwerf met sy entoesiastiese ondersteuning en bevordering van die amateur toneel. Haar moeder, Evelyn Maud Luyt, is die oudste van agt kinders wat wees gelaat is toe hulle ouers skielik oorlede is en sy word in ’n klooster groot. Haar vader word teen die einde van die [[Anglo-Boereoorlog]] deur die Britse soldate gevang en as krygsgevangene na Trichinopoli in Indië gestuur. Met sy terugkeer is hy en Anna se moeder in Julie [[1903]] op [[Middelburg, Oos-Kaap|Middelburg]] in die [[Kaapprovinsie|Kaap]] getroud en hulle vestig hulle daarna op [[Graaff-Reinet]]. Haar moeder is oorlede tydens die groot[[Spaanse griep in Suid-Afrika|Groot griep-epidemie]] van Oktober [[1918]] en die baba wat sy verwag het is doodgebore. Twee jaar na haar dood trou haar vader met Johanna le Roux en twee seuns (Pieter le Roux en Friedrich Wilhelm) word uit hierdie huwelik gebore. Haar vader is in [[1964]] na sy negentigste verjaarsdag oorlede<ref>Geni: <nowiki>http://www.geni.com/people/Anna-Neethling-Pohl/6000000006158030066</nowiki></ref>.