Maak hoofkeuseskerm oop

Wysigings

23 grepe bygevoeg ,  2 jaar gelede
k
+ skakel
'''Vorarlberg''' is die mees westelike en, ten opsigte van sy oppervlakte en bevolking, op een na ook die kleinste deelstaat van die [[Oostenryk|Republiek Oostenryk]]. [[Bregenz]] is die [[hoofstad]] met 27 726 inwoners, terwyl [[Dornbirn]] met 'n bevolking van 45 520 die grootste nedersetting in die deelstaat is.
 
Die gebied van die huidige deelstaat het sy eie streeksidentiteit eers relatief laat en nie voor die 19de eeu ontwikkel nie.<ref>[http://vorarlberg-chronik.at/id1-bis400/roemer_vorarlberg ''Vorarlberg Chronik: Die Römer im Gebiet des heutigen Vorarlberg. Besoek op 28 Februarie 2017'']</ref> Die landsnaam (waarvan die klemtoon in Oostenryk gewoonlik op die tweede, in Duitsland dikwels ook op die eerste sillabe val) is afgelei van die vroeër strategies belangrike Arlberg-bergpas. Vanuit die perspektief van die ou ryk en die [[Huis van Habsburg]] se [[Habsburg (kasteel)|stamkasteel]] in die [[Switserland|Switserse]] kanton [[Aargau]] is die gebied "voor" die bergpiek Arlberg geleë. Die naam Vorarlberg word sedert die middel van die 18de eeu gebruik.
 
In kulturele opsig verskil Vorarlberg merkbaar van die ander Oostenrykse deelstate. So word hier [[Hoogalemanniese Duits|Hoogalemanniese]] dialekte (Vorarlbergs) gepraat wat, behalwe vir kleiner taaleilande in [[Tirool]], nie elders in Oostenryk voorkom nie en nou verwant is aan Hoogalemanniese dialekte in die suide van Suidwes-Duitsland en Switserland. Dit weerspieël die vestiging van Alemanniese setlaars in die gebied, terwyl die meerderheid Oostenrykers in die deelstate oos van Vorarlberg nasate van Middeleeuse Beierse koloniste is en [[Beiers|Beiers-Oostenrykse]] dialekte praat. Geografies maak Vorarlberg deel uit van die [[Ryn]] se dreineringsgebied, terwyl die res van die land - met klein uitsonderings - deur die [[Donau]] gedreineer word.
99 529

wysigings