Rugsaktoerisme

Rugsaktoerisme (Engels: backpacking) is 'n vorm van reis, waarby dikwels jonger reisigers met 'n rugsak die wye wêreld invaar. Dikwels is die reise van langer duur en daar word slegs vir 'n kort rukkie by 'n vas ligging vertoef. Rugsaktoeriste reis meestal op 'n beperkte begroting deur duim te gooi (saamry) of maak gebruik van die goedkoopste openbare vervoer. Rugsaktoeriste oornag dikwels in 'n jeugdherberg of goedkoper hotels. Dié toeriste maak dikwels gebruik van spesifieke reisgidse, soos die Lonely Planet, die Rough Guide, Let's Go, die Trotter of die Footprint.

Drie Deense rugsaktoeriste verken die stad Wene.

Soms word toeriste op 'n fietsvakansie ook as rugsaktoeriste gereken, alhoewel hulle nie hul bagasie op die rug vervoer nie. Gewilde bestemmings vir rugsaktoeriste is Europa, Suidoos-Asië en Australië.