Esterházy: Verskil tussen weergawes

'''Esterházy''' (ook gespel as ''Eszterházy''; [[Latyns]]: ''Estoras''; Hongaarse uitspraak: [ˈɛstɛrhaːzi]) is 'n [[Hongare|Hongaarse]] adellike familie met oorspronge in die [[Middeleeue]]. Vanaf die 17de eeu was hulle een van die groot magnatefamilies met uitgestrekte grondbesit in die Koninkryk Hongarye toe dit deel uitgemaak het van die Habsburgse Ryk en later [[Oostenryk-Hongarye]]. Die Esterházys was steeds lojaal aan die [[Huis van Habsburg]] en het in 1626 die grawetitel ontvang. Die Forchtenstein-linie was vanaf 1712 ryksvorste in die [[Heilige Romeinse Ryk]]. Nadat dit in 1806 ontbind is, is die familie by die hoë Duitse adel gereken. Uit die familie het talle diplomate, offisiere in die Hongaarse leër en kunsbeskermhere gekom.<ref>[https://www.britannica.com/topic/Esterhazy-family ''Encyclopædia Britannica: Esterházy Family. Besoek op 6 April 2017'']</ref>