Neder-Oostenryk: Verskil tussen weergawes

'n Groot aantal [[kasteel|kastele]], wat in hul oorspronklike toestand of as bouvalle bewaar gebly het, getuig van Neder-Oostenryk se strategiese historiese funksie as grensstreek. Oor eeue heen het Neder-Oostenryk hierdie rol vervul, en so strek die oudste kastele tot in die Hoë Middeleeue terug. In dié tyd, toe politieke en ekonomiese strukture eers nog gevestig moes word, het kastele 'n belangrike funksie as gewestelike sentrums vervul. Naas hul geskiedkundige administratiewe, ekonomiese en argitektoniese betekenis is hulle vandag belangrike toeristetrekpleisters wat met hul unieke liggings en silhoeëtte as mensgemakte strukture steeds die omliggende landskappe oorheers.<ref>''Denkmalpflege in Niederösterreich. Boekdeel 12: Burgen und Ruinen''. Wene: Amt der NÖ Landesregierung/Kulturabteilung 1994, bl. 3</ref>