'''Jan Bruijns''' (ook bekend as '''Jan Bruyns''' en '''Jan Bruijn''') is 'n [[Suid-Afrika]]anse [[akteur]].<ref>[http://esat.sun.ac.za/index.php/Jan_Bruyns Profiel op ESAT], besoek op 30 April 2017</ref> Hy is bekend vir sy baritonstem en kragtige spel in die 1950’s op die verhoog in ondermeer [[W.A. de Klerk]] se ''Die jaar van die vuuros'' (onder regie van [[Hermien Dommisse]]) en Jean Racine se ''Andromache'' (onder regie van Aletta Gericke). Hy was in meer as 30 Afrikaanse rolprente te sien, waaronder [[Doodkry is min]] (1961) en [[''Die rebel]]'' (1976). Hy het ook vir die radio gespeel.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>
== Verhoogwerk ==
HyBruijns sluit by die Kaapstadse Afrikaanse Toneelvereniging (K.A.T.) aan waar hy in September 1944 die eenbedryf ''Plaas Toe'' deur [[Andries de Klerk]] in September 1944 opvoer. Sy eerste groot rol was in 1944 in ''Paastyd'' deur [[August Strindberg|Strindberg]]. In dieselfde jaar speel hy Mat Burke in [[Eugene O'Neill|O’Neill]] se drama ''Anna Christie''. Hy speel ook in 1945 vir K.A.T. in ''Liefdesvuur'' deur Herman Sudermann, toe in ''The Boy David'' deur [[J.M. Barrie|sir James Barrie]] vir die Kaapstadse Reps (''Repertory Theatre Society''). In 1946 speel hy prof. Henk Johannsen in ''Die Dae van Jou Lewe'' deur [[W.A. de Klerk]].
Nadat hy na [[Johannesburg]] trek, speel hy vir die Johannesburgse Afrikaanse Amateur Toneelspelers (JAATS) in ''Die Gebreekte Kruik''. Sy eenbedryf, ''Die Simbool'', is by die FATSA-fees<!-- Federasie van Amateurtoneelvereniginge van Suid-Afrika --> van 1948 opgevoer, waarvan hy die regisseur iswas en ook 'n rol in speelgespeel het. Daarna speel hy in ''Die Barretts van Wimpolestraat'' vir JAATS, asook in ''Gif en Oujongnooiens'' as Mortimer Brewster. Die Volksteater nooi hom in hierdie rol vir hulle produksie van ''G en O''. ''Andromache'' (Racine), onder regie van Aletta Gericke volg in 1949, en vroeg in 1950, ''Die Vader'', deur Strindberg. Hy speel voorts Banquo in die [[NTO]]-produksie (Nasionale Toneelorganisasie) van [[Macbeth]] en die generaal in ''Die Jaar van die Vuuros'' (ook vir NTO).
