Broadway (Manhattan): Verskil tussen weergawes

'''Broadway''' is 'n beroemde straat in [[Manhattan]], [[New York Stad]], in die [[Verenigde State van Amerika]] met verskeie [[teaters]]. Hierdie straat loop in 'n noord/suid rigting, skuins oor die ander strate. [[Times Square]], waar Broadway by 7de Laan<!-- 7th Avenue --> en 42ste Straat<!-- 42nd Street --> ontmoet, is 'n sentrum van vermaak en is bekend vir sy talle teaters en toneelopvoerings. Die straatblokke daar rondom vorm die hart van die stad se teaterbedryf.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>

Hierdie straat is 33,2&nbsp;km (20,6 &nbsp;myl) lank en loop deur [[Manhattan]] en die [[The Bronx]]. Dit loop dan verder noord (as die Amerikaanse roete 9) na [[Albany, New York|Albany]], die hoofstad van [[New York (deelstaat)|New York]].

Ten tyde van die eerste Nederlandse kolonisasie van Manhattan was Broadway 'n pad wat deur die plaaslike Wappani-[[indiane]] gebruik is om van hul dorp na die jagvelde te reis. David Pietersz de Vries noem die pad reeds in 1642 in sy dagboek ("''De Wickquasgeck weg waar de indianen dagelijks langs gingen''").

Nadat Peter Minuit die land namens die [[Republiek van die Sewe Verenigde Nederlande]] van die Indiane gekoop het, is die pad "Breede Weg" genoem. In 1667, ná die Vrede van Breda, is die naam na "Broadway" vertaal toe die stad in Britse hande oorgaan het. 'n Ander naam vir Broadway was "Breedweg".<ref>{{Cite book |title=The Epic of New York City |author=Ellis, Edward Robb |publisher=Old Town Books |year=1966 |pages=26}}</ref>