Suid-Afrikaanse Poskantoor: Verskil tussen weergawes

[[Lêer:The_Post_Office_TreeThe Post Office Tree.JPG|duimnael|links|Die oeroue poskantoorboom in [[Mosselbaai]].]]

[[Lêer:Poststeen - 20652172 - RCE.jpg|duimnael|Posklip (van 1632)]]

Die geskiedenis van die posdiens in Suid-Afrika kan teruggevoer word tot 500 jaar gelede.<ref name="History">[https://www.postoffice.co.za/group/aboutus/history.html "South African Post Office History"]</ref> In 1500 het die kaptein van 'n Portugese skip, Petro D'Ataide, 'n brief in 'n witmelkhoutboom in [[Mosselbaai]] geplaas. Hy het berig oor die vergaan van drie skepe in sy vloot, insluitend dié van [[Bartolomeus Dias]], tydens 'n hewige storm oor die [[Atlantiese Oseaan]]. Portugese skepe het gereeld aangedoen in Mosselbaai om vars water in te neem, en drie maande later is die brief gevind en afgelewer in [[Portugal]]. Matrose wat na of van die Ooste gereis het, verby die suidkus van [[Afrika]], het hul briewe onder die posklippe geplaas, met die hoop dat dit opgetel sou word en afgelewer word deur ander skepe se matrose.

Op 2 Maart 1792 het die waarnemende goewerneur van die Kaap, Johan Isaac Rhenius, 'n poskantoor in 'n kamer langs die spens by die [[Kasteel die Goeie Hoop|Kasteel]] in [[Kaapstad]] geopen. Dit was die begin van wat later die Suid-Afrikaanse Poskantoor (SAPO) geword het. Teen 1805 was daar reeds 'n gereelde binnelandse posdiens tussen [[Algoabaai]] en [[Valsbaai]] in die Kaap, met behulp van die boere te perd. 'n Poskoets hardloop daarna twee keer per week tussen Kaapstad en die dorp [[Stellenbosch]]. In 1806 het Sir David Baird beslis dat die Khoi, verslaafde inheemse mense van die Kaap, gebruik sal word om briewe en klein pakkette oor te dra. 'n Posbootdiens is ingestel tussen [[Engeland]] en die Kaap in 1815 en in 1848 het die destydse [[Zuid-Afrikaansche Republiek|Transvaalse regering]] posmanne aangestel om amptelike posstukke te vervoer. Voor hierdie ontwikkeling is alle pos met 'n spesiale boodskapper, of met enige beskikbare vervoer, versend. Die eerste seëls wat in Suid-Afrika uitgereik is, was die Kaapse Driehoekseels in 1853. Die seel het twee waardes -– die vierpennies-blou en die eenpennie-rooi. In 1860 is die eerste posbusse in die Kaap opgerig en verskeie spoorlyne is voltooi en gebruik vir die vervoer van pos. Die eerste postrein is in 1883 in gebuik geneem.

In 1973 is poskodes ingestel om outomatiese possortering te vergemaklik, en gestandaardiseerde briewe is ook later daardie jaar ingestel. In 1994 is Suid-Afrika weer tot die [[Wêreldposunie]] (''Universal Postal Union'') toegelaat na die einde van [[apartheid]]. SAPO word tans bedryf onder 'n 25-jaar lisensie, toegestaan deur die Onafhanklike Kommunikasie-Owerheid van Suid-Afrika (OKOSA). In terme hiervan moet 'n universele diens aan alle burgers van die land gelewer word.

Die Suid-Afrikaanse Poskantoorgroep bestaan tans uit 'n aantal afdelings en filiale wat in die velde van pos, finansiële dienste, logistiek, eiendom, elektroniese handel en kleinhandeldienste opereer. Tradisionele versameling, sortering en aflewering van briewe en pakkies vorm die primêre besigheidsaktiwiteit van die groep, wat verantwoordelik is vir byna 65% van die groep se inkomste in 2010/12. In die 2010/11 finansiële jaar is byna 1,5 miljard posstukke hanteer. Ten einde hierdie volume positems te verwerk en versprei, bedryf die groep 6 groot possentrums en meer as 40 depots oor die hele land. Die groep ondervind egter 'n drastiese afname in tradisionele posvolumes oor die laaste 3 jaar. Hierdie afname is soortgelyk aan dalings ervaar deur die meerderheid van posoperateurs regoor die wêreld, aangesien tradisionele pos as 'n kommunikasiemedium vervang is deur elektroniese alternatiewe soos e-pos en meer onlangs selfone.

* {{en}} [http://emswww.sapo.co.za/EmsWebSite/index.htm EBWDie Suid-AfrikaAfrikaanse Poskantoor se amptelike webwerf]

* {{en}} [http://wwwems.speedservicessapo.co.za/EmsWebSite/index.htm Speed Services seEBW webwerfSuid-Afrika]

* {{en}} [http://www.xpsspeedservices.co.za/ XPSSpeed Services se webwerf]