'''Canterbury''' (uitgespreek /ˈkæntərbᵊri/) of '''Kantelberg''', is ’n klein stad in die suidooste van [[Engeland]], bekend vir sy indrukwekkende 11de-eeuse katedraal, die hoofkerk van die [[Kerk van Engeland]].<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>
Canterbury is Engeland se kerklike hoofstad wat steeds deur Middeleeuse boukuns en sy [[KerkAnglikaanse van EngelandGemeenskap|Anglikaanse]] [[katedraal]] oorheers word. Die stad is in die Suidoos-Engelse [[Graafskappe van Engeland|graafskap]] Kent langs die historiese ''Watling Street'' geleë, 'n Romeinse pad wat die antieke Londinium (Londen) met die seehawe van Dover verbind het. Canterbury is daarnaas ook die eindpunt van die ''Pilgrims' Way'', 'n prehistoriese roete wat later as pelgrimsroete na die heiligdom van St [[Thomas Becket]], Engeland se bekendste Christelike martelaar wat hier in 1170 as aartsbiskop vermoor is, gebruik is.
