Jan Hendrik Hofmeyr de Waal is op 30 Desember 1871 op die wyn- en vrugteplaas ''Bakkerskloof'' in die distrik Somerset-Wes gebore. Hy was die eersgeborene van David Christiaan de Waal, boer en handelaar en oud-burgemeester van [[Kaapstad]] asook Volksraadslid vir [[Piketberg]] in die ou Kaapse parlement. Sy moeder, Hester Sophia Hofmeyr, was die oudste suster van [[Onze Jan Hofmeyr|Jan Hendrik Hofmeyr]] (Onze Jan). Sy ouers is op [[19 Mei]] [[1869]] met mekaar getroud. Jan Hendrik het drie susters gehad, Rykie Hester, Susanna Gertruida (Lily) en Hester Sophia (Hettie) en twee broers, [[Pieter de Waal|Pieter]] en Gustavus Adolphus.<ref>Wikitree: http://www.wikitree.com/wiki/De_Waal-1110</ref> Rykie (of Rykie) was drie maal getroud: eers met ds. [[Theodore Meijer]], toe met ds. T.A.T. Louw en eindelik met Dirk Hertzog, broer van genl. [[Barry Hertzog|J.B.M. Hertzog]] en direkteur van die Landbank. Sy broer Pieter was later self bekend as dramaturg en skrywer. Op vyfjarige ouderdom verkoop sy pa die plaas en verhuis na die plaas Bellevue nabyin Kaapstaddie Kaapse stadskom. Toe hy agt jaar oud was, begin hy sy skoolopleiding opaan 'n plaasskool en op tienjarige ouderdom gaan hy na die [[Normaal School, Kaapstad|Normaalskool]] in Roelandstraat, Kaapstad. Hier kry hy onderrig van [[Skotte|Skotse]] onderwysers en slegs 'n halfuur per week word aan [[Nederlands]] gewy. Op vyftienjarige ouderdom begin hy sy opleiding as onderwyser en studeer aan die Normaalkollege en die ou[[Suid-Afrikaanse South African CollegeKollege]], waar hy 'n B.A.-graad<ref name=":0">Esat: http://esat.sun.ac.za/index.php/Jan_Hendrik_Hofmeyr_de_Waal</ref> behaal.
