Messerschmitt Bf 109: Verskil tussen weergawes

Daar het verskeie weergawes van die 109E aan die Slag om Brittanje deelgeneem; onder andere die 109E-4/B vegter/bomwerper. Die 109E het op die stadium van die oorlog twee voordele bo die Spitfire en Hurricane gehad. Sy 20mm kanon kon verder skiet en meer skade aanrig as die Britse vegvliegtuie se masjiengewere. Die ander voordeel was dat die Messerschmitt Bf 109 se motrmotor oor Daimler-Benz brandstofinspuiting stelsels beskik het wat tot gevolg gehad het dat negatiewe gravitasie nie die werking van die motor beinvloed het nie. Daarteen het die Spitfire se motor, wat met vergassers toegerus was, gestol sodra dit 'n steil duikvlug gedoen het as gevolg van die negatiewe gravitasie.