Neoproterosoïkum: Verskil tussen weergawes

In die Neoproterosoïkum het die samestelling van die aarde se atmosfeer verander. Die suurstofgehalte het toegeneem en dit het die ontstaan van hoër organismes moontlik gemaak.<ref name="Princeton">{{webaanhaling|url=https://www.princeton.edu/news/2010/04/30/global-glaciation-snowballed-giant-change-carbon-cycle|titel=Princeton}}</ref> Hierdie era is dus van groot belang vir die ontwikkeling van hoër organismes, soos plante en diere, op aarde. In die Tonium is daar reeds aanwysings vir die teenwoordigheid van meersellige organismes. In die Kriogenium het ekstreme glasiasie en ook ekstreme wysigings in die [[koolstofkringloop]] plaasgevind. Hoe die lewe op aarde oorleef het, is een van die onderwerpe van wetenskaplike navorsing. In die Ediakarium verskyn die eerste duidelike fossiele van dierlike organismes. Hulle het nogtans net sagte liggame en behoort dikwels tot groepe wat later uitgesterf het. In die [[Kambrium]] wat op die Ediakarium volg het diere verskyn met harde dele wat baie makliker fossiliseer.