Paul Nel: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 3:
Ds. '''Paul Nel''' ([[Greytown]], [[26 Januarie]] [[1867]] - [[Ermelo]], [[7 Oktober]] [[1943]]) was predikant in die [[Nederduitse Gereformeerde Kerk]] en moderator van die Transvaalse Kerk.
 
Hy het vroeg in sy lewe die roeping ontvang om predikant te word. Hy gaan studeer aan die [[Kweekskool]] op [[Stellenbosch]] en deurloop sy vierjarige studiekursus met welslae. Hy is op [[22 September]] [[1892]] gelegitimeer en vertrek na [[Masjonaland]]. Hier het hy net 'n jaar lank gewerk toe hy 'n beroep na [[NG gemeente Makwassie|Makwassie]] ontvang en aanneem. In dié gemeente staan hy net drie jaar toe hy 'n beroep na die [[NG gemeente Jeppestown]] in [[Johannesburg]] aanvaar. Dit was die gemeente, wat pas op [[8 Julie]] [[1897]] gestig is, maar sewe maande lank herderloos was, se derde beroep, wat die kerkraad op [[22 Desember]] [[1897]] uitgebring het. Ds. Nel en sy gesin het reeds op 17 Februarie in die Goudstad aangekom, maar sy plegtige bevestiging het eers 'n week later op Donderdag [[24 Februarie]] [[1898]] plaasgevind. Op daardie aand was die Presbiteriaanse kerkgebou van eerw. Douglas stampvol. Agt predikante was onder die skare van gemeentelede en belangstellendes. Ds. [[Abraham Kriel]], leraar van die [[NG gemeente Langlaagte]], het die diens gelei en ook die bevestiging waargeneem. Die bevestigingsrede is deur die bekende ds. [[Hermanus Bosman|H.S. Bosman]] van [[NG gemeente Pretoria|Pretoria]] uitgespreek na aanleiding van [[Brief aan die Romeine|Romeine]]. 12:6-8. Onmiddellik ná hierdie plegtigheid het ds. Nel die kansel bestyg en sy intreerede gelewer. Sy teks was die antwoord van Petrus aan die kreupelgebore man by die tempelpoort: "Silwer en goud het ek nie; maar wat ek het, dit gee ek vir jou: In die Naam van Jesus Christus, die Nasaréner, staan op en wandel ([[Handelinge]]. 3:6). Ds. Nel doen 'n beroep op die kerkraad en gemeente om hom deur die daad sowel as voorbidding te steun. Hy sluit af met die woorde: "Te veroordelen is duivelisch, te criticeeren is menschelijk; te onderteunen goddelijk." ('n Beskrywing van die plegtigheid het verskyn in ''De Vereeniging'', orgaan van die Transvaalse Kerk.)
 
'n Week later is ds. en mev. Nel op 'n groot ontvangsgesellingheid deur die gemeente onthaal en by hierdie geleentheid is daar ook van die konsulent, ds. [[Abraham Kriel]], afskeid geneem. Ds. Nel was nog betreklik jonk, want hy het so pas sy dertigste verjaardag herdenk.