Anna Böeseken: Verskil tussen weergawes

== Afkoms en opleiding ==

[[Beeld:Hendrik de Cock.jpg|duimnael|links|200px|[[Hendrik de Cock]].]]

Anna Jacoba Böeseken is in Pretoria gebore as enigste kind van die Nederlandse immigrante-egpaar Adriaan Cornelis Böeseken en [[Jantina Böeseken|Jantina Eelbrendina de Cock]]. Haar vader het in 1896 volle burgerregte in [[Transvaal]] ontvang en gehelp om die Republiek te verdedig. Hy was vanaf 1901 'n [[Boerekrygsgevangenes|krysgevangene]] in Trichinopoly (nou [[Tiruchirappalli]]). Later was hy bestuurder van die Nederlandse Bank (Nedbank) se [[Bloemfontein]]se tak en toe in Kaapstad. Anna is op 28 Junie 1997 in die ouderdom van 91 jaar in [[Oranjezicht]] in [[Kaapstad]] oorlede. Haar moeder, [[Jantina Böeseken|Jantina]], was 'n dogter van prof. [[Helenius de Cock]] van die Gereformeerde teologiese skool in [[Kampen]], en kleindogter van ds. [[Hendrik de Cock]], die vader van die Afskeiding van 1834. Die Böesekens was dan ook sedert hul verhuising na die Kaap in 1923 getroue en meelewende lidmate van die [[Gereformeerde kerk Kaapstad]], wat in daardie jaar gestig is, en so ook dr. Böeseken 'n volle 74 jaar lank tot haar dood in 1997. In 1973 het sy 'n oorsig oor die stigting en beginjare van die gemeente geskryf vir sy 50-jarige gedenkboek, ''Die Gereformeerde kerk Kaapstad 1923–1973''. In haar ongepubliseerde en onvoltooide outobiografie ''Van jeugtyd en verlede'' (1986) skyf dr. Böeseken: "In 'die klein Gereformeerde kerk Kaapstad' het ons nie elke Sondag 'n predikant gehad nie. Moeder het my toegelaat om na ander predikante te gaan luister: the Rev. Ramsden Balmforth en the Rev. Rennallog (Congregational Church). Albei het invloed op my ontwikkeling gehad. Ná my matriekjaar het ek geloofsbelydenis in die Gereformeerde Kerke gedoen (1925). Hiertoe het 'n lang gesprek met my vorige mentor ds. [[Izak Krüger]] van Bloemfontein, die deurslag gegee. Dit was geen ondeurdagte gewoontegebaar nie, maar 'n daad van dankbaarheid teenoor my ouers sowel as teenoor my Skepper. In 1986 het ons een Sondag in die Hofstraatkerk Ps. 71 vers 10 gesing. Die laaste drie reëls het my getref: ''Ek meld van jeugtyd en verlede / hoe U my, onervare, / gelei het al my jare ...'' Waarom sou ek nie vir my eie plesier terugkyk op my verlede nie? Ek so het ek op [[15 April]] [[1986]] begin tik." ''Van jeugtyd en verlede'' was die inspirasie om haar outobiografie te begin skryf en vir die titel daarvan.<ref>{{af}}Bingle, dr. Pieter. 2007. ''Kerk teen Tafelberg. Gereformeerde kerk Kaapstad 1973–2006''. Kaapstad: Gereformeerde Kerkraad.</ref>