Die gemeente het op [[13 Desember]] [[1930]] van die [[Gereformeerde kerk Johannesburg]] afgestig nadat [[Gereformeerde kerk Johannesburg-Oos|Johannesburg-Oos]] en [[Gereformeerde kerk Johannesburg-Noord|-Noord]] reeds ses jaar vantevore onderskeidelik op [[9 Februarie]] en [[1 Maart]] [[1924]] vanuit Johannesburg afgestigontstaan het. Die gemeente Johannesburg-Wes het sy kerkgebou 1 km wes van die Hertzog- of Brixtontoring opgerig in Putneyweg, Brixton, op ’n rif wat as hoofwaterskeiding dien. Noord daarvan vloei die riviere oos en suid vloei hulle wes. So was die kerkgebou soos ’n kerk op ’n berg vir die omliggende voorstede van Brixton, Aucklandpark, Rossmore, Westdene, Mayfair-Wes, Crosby en Hurst Hill waar mettertyd so ’n groot konsentrasie Afrikaanssprekendes gewoon het dat feitlik elkeen van dié voorstede ’n NG gemeente kon onderhou: [[NG gemeente Brixton|Brixton]], [[NG gemeente Aucklandpark|Aucklandpark]], [[NG gemeente Johannesburg-Wes|Johannesburg-Wes]], [[NG gemeente Westdene|Westdene]], [[NG gemeente Mayfair|Mayfair]], [[NG gemeente Fordsburg|Fordsburg]], [[NG gemeente Crosby|Crosby]] en [[NG gemeente Crosby-Wes|Crosby-Wes]]. Langlaagte, Mayfair en Cottesloe (Vrededorp) het in Maart 1952 deel geword van die [[Gereformeerde kerk Johannesburg-Sentraal]], terwyl ’n gedeelte van Aucklandpark saam met Melville deel was van [[Gereformeerde kerk Johannesburg-Noord|Johannesburg-Noord]].
Op [[1 April]] [[1943]] is die grense tussen Johannesburg en Johannesburg-Wes opgehef, toe die gemeente Johannesburg-Wes word. Op [[22 Oktober]] [[1950]] is Johannesburg herstig en het dit vanaf 1952 bekendgestaan as Johannesburg-Mayfair.
