Boheme: Verskil tussen weergawes
Content deleted Content added
Lyn 224:
Boheemse glas is van hoë gehalte. Vir sierglas word gewoonlik suiwer kwartssand en potas gebruik. Die laasgenoemde bestanddeel kan deur groter hoeveelhede loodoksied vervang word; so word na dié soort sierglas ook as loodkristal verwys. Egte Boheemse loodkristal behoort 'n minimum-inhoud van 24 persent lood te bevat, terwyl glasblasers ook besonderse metodes vir sy vervaardiging inspan. Hierdie sierglas is weens sy hoë brekingsindeks baie geskik vir diepslyping en graveerwerk en stel glasslypers in staat om gesofistikeerde versierings te skep. Invallende ligstrale word in die kleure van 'n reënboog gebreek. Die klank van loodkristal-drinkglasies, wat teen mekaar gestoot word, klink daarnaas besonders aangenaam.<ref>[https://www.westwing.de/boehmische-glaeser/ ''Westwing Warenkunde: Böhmisches Glas. Besoek op 28 Junie 2017'']</ref>
Kwartssand word in Boheme veral in die [[Boheemse Woud]] of Šumava-bergstreek (Duits: ''Böhmerwald'') in die grensgebied met Beiere aangetref sodat dié gebied die historiese bakermat van Boheemse loodkristal was. Die belangrikste sentrum van Boheemse glasblasery is egter in 'n ander bergreeks geleë, die Jizera (Duits: ''Isergebirge'') wat deel uitmaak van die groter Sudete-bergreeks. Ook hier word groot hoeveelhede kwartssand ontgin, net soos anderkant die grens in die Beierse bergreekse Bayerischer Wald (Beierse Woud) en Oberpfälzer Wald. Belangrike glasblaserye is in albei streke gesetel, veral omdat die bosryke berggebiede glasblasers ook van oudsher van groot hoeveelhede potas (kaliumkarbonaat) en hout kon voorsien. Die laasgenoemde is as brandhout vir glasoonde benodig.<ref>[https://www.westwing.de/boehmische-glaeser/ ''Westwing Warenkunde: Böhmisches Glas. Besoek op 28 Junie 2017'']</ref>
[[Lêer:Vetrerie di boemia, vaso in vetro iridescente, 1900 ca. 11.JPG|duimnael|links|Opgelegde en iriserende glaskuns uit Boheme, omstreeks 1900<br><small>Musée d'Orsay, Parys</small>]]
Die eerste glasblasers was immigrante uit die [[Sakse|Saksiese]] Ertsgebergte wat hulle in die eerste helfte van die 16de eeu onder meer in die Jizera-, Šumava- en [[Reusegebergte]] gevestig het. Aanvanklik is, soos elders in [[Noord-Europa]], eenvoudige woudglasprodukte, veral drinkglase, vervaardig. Kunstenaars, wat aan keiser Rudolf I se hof in Praag werksaam was, onder wie befaamde steensnyers soos die [[Milaan]]se Miseroni-gesin en Caspar Lehmann (1570–1622), 'n boorling van Duitsland na wie verwys word as die eerste glassnyer van die moderne tydperk, het met hul kunsvol geslypte bergkristalle en ander edelgesteentes die inspirasie gelewer vir meer gesofistikeerde glasware. So het Boheemse glasblasers dikwandige glassoorte begin ontwikkel wat so suiwer en hard sou wees soos bergkristal en maklik gesny en geslyp kon word.<ref>[http://www.beyars.com/kunstlexikon/lexikon_1288.html ''www.beyars.com: Das grosse Kunstlexikon von P.W. Hartmann - Böhmisches Glas. Besoek op 28 Junie 2017'']</ref>
| |||