Karlovy Vary: Verskil tussen weergawes

Content deleted Content added
Voyageur (besprekings | bydraes)
kNo edit summary
Voyageur (besprekings | bydraes)
k + skakel
Lyn 89:
|}
[[Lêer:Karlovy Vary - vřídlo - panoramio.jpg|duimnael|links|Karlovy Vary se beroemde warmwaterfontein, wat tot 12 m omhoog spuit en sy oorsprong in 'n breuk in die [[aardkors]] het, 2 000 meter benede die aardoppervlak, getuig van [[vulkaan|vulkanisme]] in die gebied. In die kollonades langsaan word die helende water gratis aan besoekers bedien wat tussen vier temperature mag kies]]
'''Karlovy Vary''', [[Duits]]: '''Karlsbad''' (vroeër ook ''Carlsbad''), geleë in die weste van [[Tsjeggië]], is een van die bekendste en mees tradisieryke hersteloorde ter wêreld. Saam met twee ander hersteloorde - [[Františkovy Lázně]] (''Franzensbad'') en [[Mariënbad]] (Tsjeggies: ''Mariánské Lázně'', Duits: ''Marienbad'') - vorm Karlovy Vary die hartland van die sogenaamde Wes-Boheemse Driehoek van Mineraal- en Warmbaddens. Die stad met 'n bevolking van meer as 49 000 is in 'n nou vallei by die Teplárivier se monding in die Ohře (Duits: ''Eger'') geleë. Voor die [[Tweede Wêreldoorlog]] was Karlsbad se bevolking nog merendeels Duitssprekend.
 
Die huidige stad se oorspronge strek terug tot in die 14de eeu. Volgens historiese oorlewerings het Karel IV, koning van [[Boheme]] en keiser van die [[Heilige Romeinse Ryk]], tydens 'n [[jag]] op die warmbronne afgekom (een van sy jaghonde het per ongeluk daarin beland) en hier 'n nedersetting laat vestig wat sy naam sou dra en waaraan nog in sy eerste bestaansjaar, op 14 Augustus 1370, stadstatus toegeken is. 'n Ouer nedersetting, Wary of Vary, het hier of naby egter sedert die 10de eeu of selfs vroeër bestaan. Die warmbaddens was reeds in die 16de eeu uiters gewild by welvarende adellike families. As gevolg van brandrampe en oorstromings het min geboue uit dié tydperk bewaar gebly. So dateer die meeste van Karlsbad se argitektoniese besienswaardighede uit die stad se bloeitydperk in die 18de en 19de eeu.<ref>{{de}} [https://www.karlovyvary.cz/de/praktische-informationen ''www.karlovyvary.cz - Praktiese inligting. Besoek op 5 Julie 2017'']</ref>