NG gemeente Melville: Verskil tussen weergawes

Melville is op [[6 Desember]] [[1920]] van die moedergemeente [[NG gemeente Fordsburg|Fordsburg]] as NG gemeente Vrederus afgestig en het aanvanklik onder die Ring van Johannesburg geressorteer. Voor die afstigting van Melville, was daar in die weste van die ontluikende stad net twee gemeentes, naamlik Fordsburg (1896) en [[NG gemeente Langlaagte|Langlaagte]] (1892). Teen 1913 het die lidmate in die buitewyke van [[Fordsburg]] egter so aangegroei dat die kerkraad besluit het om 'n kerksaal in die noordelike wyke van die gemeente, te wete Melville, te laat bou. Die alombeminde ds. Danie Theron wat die moedergemeente van 1897 tot 1914 as eerste predikant bedien het, het die hoeksteen van die saal, wat jare lank as die Danie Theron-gedenksaal bekendgestaan het, op [[12 November]] [[1913]] gelê. Die stuk grond waarop die saal gestaan het, was 'n geskenk van 'n ouderling van [[NG gemeente Johannesburg|Johannesburg-Oos]], mnr. [[LouwLourens Geldenhuys]], die groot weldoener van die Kerk in Transvaal, na wie die laerskool in Linden vernoem is. In die begin is daar net een maal per maand in die middag 'n diens in die saal gehou, maar teen 1920 was die omstandighede reg vir die afstigting van die sewende gemeente in Johannesburg.