William die seekoei: Verskil tussen weergawes
DirkVE (besprekings | bydraes) nuwe bladsy geskep |
(Geen verskil)
|
Wysiging soos op 08:27, 21 Julie 2017
William is die bynaam van 'n beeldjie van 'n seekoei in faience uit die Antieke Egipte en is die informele gelukbringer van die Metropolitan Museum of Art in New York.
Beskrywing
Die beeldjie stel 'n seekoei voor en is in Egiptiese faience, 'n keramiek materiaal van halfedelsteen gemaak, voorsien van blougroen emalje, met 'n lengte van 20 cm, 7,5 cm hoog en 11,2 cm breed. Die liggaam is met rivierplanten soos die blou lotus geverf, wat die natuurlike habitat van die diere simboliseer.[1]
Herkoms
Die faience-seekoei is in Mei 1910 in die graf van Senbi II (Steward Senbi) in Meir in Egipte gevind. Die Antieke Egiptiese graf is uit die 12de Dinastie van Egipte (circa 1961 - 1878 v.C.), tydens die bewind van Senoesret I tot Senoesret II. Die beeldjie is in 1917 deur Edward S. Harkness saam met nog enkele ander beeldjies uit dieselfde graf aan die museum geskenk.
Hierdie klein beeldjie in Egiptiese faience is gewild, nie net as gevolg van sy voorkoms, maar ook omdat sy kenmerkende eienskappe veel van die mees belangrike fasette van handwerkproduksie in die Antieke Egipte uit daardie tyd illustreer.[1]
Die bynaam William
In die begin van die 20ste eeu besit kaptein H.M. Raleigh en sy familie 'n foto van die seekoei en begin te verwys na hom as William. Raleigh publiseer op 18 Maart 1931 'n artikel oor die seekoei in die tydskrif Punch, waarin hy geskryf het: "He is described on the back of the frame as "Hippopotamus with Lotus Flowers, Buds and Leaves, XII Dynasty (about 1950 B.C.), Series VII, Number i, Egyptian Faience;" but to us he is simply William."[2] Die artikel is in Junie 1931 in die Metropolitan Museum of Art Bulletin gepubliseer en die naam is gebly. In 1936 het the Met 'n boek gepubliseer met die titel William and his Friends: A Group of Notable Creatures in the Metropolitan Museum of Art.[3] Sedertdien het William in sommige museumlogo's en -artikelen vir beide kinders en volwassenes verskyn. The Met begin vir die eerste keer met die verkoop van reproduksies van William in die jare 50 wat deesdae deur M. Hart Pottery word vervaardig.[4]