Amedeo Avogadro: Verskil tussen weergawes

Content deleted Content added
Jcwf (besprekings | bydraes)
Nuwe bladsy geskep met '{{nog besig}} '''Amedeo Avogadro''' (9 Augustus 1776 -) was 'n Italiaanse juris, fiskus en chemikus. Avogadro is in die Piemonte gebore onder de bewind van Viktor Amade...'
(Geen verskil)

Wysiging soos op 19:18, 11 Augustus 2017

Amedeo Avogadro (9 Augustus 1776 -) was 'n Italiaanse juris, fiskus en chemikus.

Ek is nog besig om aan die artikel te skryf. Gee my asseblief 'n bietjie tyd!

Avogadro is in die Piemonte gebore onder de bewind van Viktor Amadeus III van die koninkryk Sardinië. Sy pa het in die regspraak van die Sardynse koninkryk gewerk en in Turyn gewoon. Amedeo het daar ook skoolgegaan en het in 1792 tot die regsfakulteit van die Universiteit van Turyn toegetree. Hy het in Maart 1798 afgestudeer en gewerk vir die Avvocato dei Poveri (die advokaat van die armes) en later die Avvocatura Generale (die algemene advokatuur) wat sy pa Filippo van 1777 tot 1787 gelei het.

In 1801 het hy Secrétaire van die nuwe Franse Departement van Eridanus geword, ná die Franse verowering en inlywing van Piemonte. Hy het egter belangstelling vir die natuurwetenskap gekry en begin om daaroor in sy vrye tyd te lees. In 1804 het hy lid van die Akademie van Wetenskappe van Turyn geword, nadat vader Antonio Vassalli Eandi twee van sy verhandelings oor elektrisiteit gelees het. Vassalli Eandi het die leerstoel vir fisika beklee. Avogadro het die werking van diëlektriese mediums bestudeer en het voorstel dat elektriese lading in die diëlektriese isolator net van een laag molekule op die ander een verplaas word. Hierdie denkbeelde is in 1906 en 1807 in die Journal de Physique, de Chimie, d'Histoire Naturelle et des Arts gepubliseer, maar is lank verwaarloos.[1]

Die basis vir sy grootste bydrae tot die wetenskap was nogtans reeds met sy idee van molekule gelê. Daar was groot verwarring onder wetenskaplikes soos Berzelius, Dalton en Gay-Lussac oor die stoigiometrie van die waterreaksie, omdat hulle gedink het dat elemente net uit ondeelbare atome bestaan het. Avogadro het in 1811 voorgestel dat 'n reaksie tussen suurstof en stikstof nie geskryf moet word as 'n reaksie tussen atome nie:

Maar as 'n reaksie tussen molekule:

Dit het nogtans nog 50 jaar geduur voordat die wetenskaplike gemeenskap aanvaar het dat elemente ook uit molekule kon bestaan.[2]

In 1815 het Amedeo Avogado met Felicita Mazzia uit Biella getroud en hulle het sewe kinders gekry.

In 1816-17 het hy begin oor die warmtekapasiteit van gasse te publiseer en dit het hom gelei tot sy beroemdste re"el:

Gelyke volumes gas by gelyke temperatuur en gelyke druk het dieselfde aantal molekule.

Hierdie reël is die grondslag vir die getal van Avogadro en die mol-begrip, sonder wat die moderne chemie nie sou bestaan nie. Hy publiseer in 1843 sy Proposizione di un nuova sistema die nomenclatura chimica, waarin hy 'n ander nomenklatuur vir die chemie voorstel omdat die kennis van hierdie gebied baie gegroei het. [1]

Verwysings

  1. 1,0 1,1 Amedeo Avogadro: A Scientific Biography M. Morselli Springer Science & Business Media, 2012, ISBN 9400962657, ISBN 9789400962651
  2. The Basics of Chemistry Richard Myers, Greenwood Publishing Group, 2003 ISBN 0313316643, ISBN 9780313316647