Verskil tussen weergawes van "Strangford Lough"

k
Etiket: 2017-bronwysiging
Etiket: 2017-bronwysiging
=== Vroeë Christelike tydperk ===
Ierland se beskermheilige [[Sint Patrick]] het volgens oorlewering in 432 deur die Strangford Narrows en die Quoile-monding rivierop geseil om die Christelike geloof na die Smaraggroen Eiland te bring. Teen die middel van die 6de eeu was daar reeds 'n aantal belangrike monastiese sentrums in die gebied soos Down, Nendrum, Movilla en Bangor, met kleiner [[klooster]]s in Comber en Kilclief.
 
Die kloostergemeenskappe het die nodige tegnologiese en organisatoriese vaardighede saamgebring om Strangford Lough se seehulpbronne op 'n kommersiële skaal te ontgin. Op talle plekke is 7de eeuse visvalle gevind wat van hout gemaak is. Monnike van die Nendrum-klooster op Mahee-eiland het selfs 'n gevorderde tegnologie ontwikkel om hul koringmeule aan te dryf. Hulle het 'n reeks mure in die see gebou waarin water tydens die hooggety opgedam is. Hierdie water is later deur 'n opening vrygelaat wat 'n horisontale meulwiel laat draai het. Die vroegste van dié getyemeule dateer van 619 wat dit die oudste in heel Europa maak.
 
== Verwysings ==