Totius: Verskil tussen weergawes

Totius was die tweede seun van ds. [[Stephanus Jacobus du Toit|S.J. du Toit]], die leier van die [[Eerste Afrikaanse Taalbeweging]], en sy vrou, Elizabeth Jacoba Joubert. Sy oom ds. [[C.W. du Toit]] was van van 1869 af predikant in die [[Nederduitse Gereformeerde Kerk|NG Kerk]] en van 1883 tot 1918 predikant in die [[Nederduitsch Hervormde Kerk|NH Kerk]]. Albei ouers van Totius was van Hugenote-afkoms. Opvallend is die suiwer Christelik-nasionale vorming van Totius deur sy milieu en skoolopvoeding. In ooreenstemming met sy vader se oortuiging dat die skool 'n saak van die ouers en nie van die staat is nie, ontvang hy sy opleiding van sy prille jeug af tot met die hoogste akademiese kwalifikasies uitsluitend aan privaat inrigtings. Daarna staan sy hele lewe en werk in nederige diens van sy God, sy kerk en sy volk.