Gereformeerde kerk Johannesburg (herstig): Verskil tussen weergawes

Die '''Gereformeerde kerk Johannesburg (herstig)''' was 'n gemeente van die [[Gereformeerde Kerke in Suid-Afrika]] (GKSA) in [[Johannesburg]] met 'n kortstondige bestaan en wat 'n reusegebied beslaan het van die westelike voorstede van Bedfordview in die ooste tot [[Braamfontein]] in die weste en die noordelike voorstede suid van Chester-, Jellicoe- en Corlettrylaan. Die ''Almanak'' van die GKSA dui die ontstaan van Johannesburg (herstig) aan as 'n samesmelting van die Gereformeerde kerke [[Gereformeerde kerk Johannesburg|Johannesburg-Mayfair]], [[Gereformeerde kerk Johannesburg-Oos|-Oos]] en [[Gereformeerde kerk Johannesburg-Sentraal|-Sentraal]], maar in werklikheid het die buurte waaruit Johannesburg-Mayfair bestaan het – [[Mayfair, Gauteng|Mayfair]], [[Mayfair-Wes]], [[Langlaagte]], [[Homestead Park]] en [[Vrededorp]] met die ontstaan van Johannesburg (herstig) deel geword van [[Gereformeerde kerk Johannesburg-Wes|Johannesburg-Wes]]. Ook was Johannesburg (herstig) se sieletal in die eerste jaar van sy bestaan 164 minder as die drie kerke wat in 1986 ontbind het, terwyl Johannesburg-Wes se sieletal in dieselfde tyd met 98 toegeneem het.