Koos de la Rey: Verskil tussen weergawes

Slegs 'n geharde kerngroep Boere was gewillig om steeds aan te hou veg. De la Rey, Louis Botha en ander bevelvoerders het naby Kroonstad ontmoet en 'n nuwe guerilla-oorlogvoering strategie neergelê. Die Wes-Transvaal is toegedeel aan De la Rey en vir die daaropvolgende twee jaar het hy die mobiele veldtog gevoer, met oorwinnings by Moedwil, [[Slag van Nooitgedacht|Nooitgedacht]], Driefontein, Donkerhoek en ander plekke. Hy het groot skade aan goedere en Britse manskappe berokken by Ysterspruit (1902-02-25), waar genoeg ammunisie en voorraad in beslag gelê is om weer lewe te blaas in die Boeremagte. By [[Slag van Tweebosch|Tweebosch]] (1902-03-07) is Methuen en 'n groot deel van sy agterwag gevange geneem. Alhoewel De la Rey se manskappe baie keer honger en verslete was, het hulle oor die vlaktes gery en tienduisende Britte uitoorlê. De la Rey het 'n ongekende talent gehad om lokvalle te vermy en baie het geglo dit was omdat hy raad gekry het by 'n eksentrieke profeet, [[Siener van Rensburg]], wat saam met hom was.

 

 

Na die oorlog het De la Rey saam met [[Louis Botha]] en [[Christiaan de Wet]] na [[Europa]] gereis om fondse in te samel vir die verarmde Boere wie se plase in die verskroeide aarde beleid van die Britte vernietig is. Die Boeregeneraals se hoofoogmerk was om in [[Londen]] met die Britse regering samesprekinge te voer oor verhoging van die skadevergoeding. Hulle maak van die geleentheid gebruik om andere lande in Wes-Europa te besoek. In [[België|Vlaams-België]] word hulle met geweldige entoesiasme verwelkom. Hulle besoek [[Antwerpen]] (19-20 September 1902), [[Brussel]] (6-7 Oktober 1902) en [[Gent]] (8 Oktober 1902). Die grootste bydra word gemaak deur die saldo van die ''ambulancecomité'' (ambulanskomitee) van [[Pol de Mont]].<ref>[[Afrikaans.be]] [http://afrikaans.be/2005/02/10/vlaanderen-en-de-anglo-boerenoorlog-1899-1902/ Vlaanderen en de Anglo-Boerenoorlog, 1899-1902], Besoek op 23 Februarie 2007</ref>