Piet Cloete: Verskil tussen weergawes

Dr. '''Petrus Cornelius (Piet) Cloete''' ([[1714 Julie]] [[1928]] – 21 September 1991) was van 1961 tot 30 Maart 1980 predikant in vier [[Nederduitse Gereformeerde Kerk|NG gemeentes]] en van 1 April daardie jaar tot hy sy emeritaat ontvang het, predikant in sinodale diens met opdrag ampsbediening en evangelisasie in die [[NG Kerk Vrystaat|NG Kerk in die OVS]]. Hy het die Vrystaatse Kerk sedert 1962 op 'n wye terrein gedien en staan onder andere bekend as die eerste predikant in die provinsie wat in 1967 met die kleingroepbespreking in wyksbyeenkomste begin het.

Cloete het op 'n plaas by [[Niekerkshoop]] grootgeword (waar hy ook gebore en gedoop is) en moes die skoolHoërskool Griekwastad in st. 8 verlaat ná sy pa se dood. Deur deeltydse studie, terwyl hy werksaam was by die Suid-Afrikaanse Spoorweë en Hawens en die departement van justisie, kon hy sy matriek in 1947 behaal. Sewe jaar later het hy voltyds op [[Stellenbosch]] gaan studeer. Nadat hy sy studie aan die [[Kweekskool]] voltooi het, is hy in 1960 gelegitimeer.

Sy eerste gemeente was [[NG gemeente Johannesburg-Oos|Johannesburg-Oos]], die sogenaamde Irenekerk, waar hy inop 4 Februarie 1961 bevestig is, destyds nog in die ou kerk wat vroeg in die 1970's afgebreek is. Ná net sowatmeer ’n jaar is hy in April 1962 Vrystaat toe as predikant van die NG gemeente Vrede-Wes, en in April 1967 na [[Bloemfontein]] as leraar van die NG gemeente Hugenoot. In dié tyd het hy die grade M.A. en D.Phil. (1972) aan die Universiteit van die Vrystaat behaal. Sy D.Phil.-skripsie, met die titel, "[http://scholar.ufs.ac.za:8080/xmlui/handle/11660/2333 Grondbeginsels van die normatiewe estetika]", is onder leiding van prof. P de B Kock afgehandel.

Tien jaar later, in Januarie 1977, stig hy saam met die NG gemeente Noordrand af en word hul eerste predikant. Eindelik aanvaar hy op [[1 April]] [[1980]] die amp as predikant in sinodale diens: ampsbediening en evangelisasie van die Vrystaatse NG Kerk. Intussen was hy ook vir 'n termyn aktuarius van die Vrystaatse Sinode.

Dr. Cloete het in 1973 ’n ernstige hartaanval oorleef. Hy is op 21 September 1991 oorlede ná 'n siekte toe hy ná die Vrystaatse Sinode van 1991 griep opgedoen en later in die week ook dubbele longontsteking gekry het, waaraan hy oorlede is. Sy begrafnis was uit die [[NG gemeente Bloemfontein-Noord]] (die Klipkerk) en ds. Thinus le Roux van die NG gemeente Andrew Murray Bloemfontein het die diens gelei.