Alida Postma: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 11:
Johanna was die dogter van J.J.A. (Adriaan) Coetsee en Anna Johanna Martha (née Coetsee), stigters van die [[Gereformeerde kerk Middelburg, Kaap]], en familie van broer Coetsee van Roosterhoek, die plaas waarop die eerste gemeente van die [[Gereformeerde Kerke in Suid-Afrika|Gereformeerde Kerk]] in [[Kaapland]] ([[Gereformeerde kerk Burgersdorp]]) herstig is in die distrik Burgersdorp. Johanna se moeder het die stigting van die [[Gereformeerde kerk Burgersdorp]], op [[21 Januarie]] [[1860]] as negejarige kind meegemaak. Haar vader, H.S. Coetsee, se naam verskyn die eerste op die lys van stigters. Johanna se broer was moontlik die eerste hoof van die [[Potchefstroom Gimnasium]], [[Ad Coetsee]]. Sy is gebore op die plaas Brandvlei waar haar stoere en vrome ouers geboer het. Sy het as egte boerenooi grootgeword en die goeie eienskappe van die landelike opvoeding het haar haar lewe lank bygebly, naamlik nederigheid, hardwerkendheid, gasvryheid en vriendelikheid.
 
Sy is op betreklike jeugdige leeftyd verloof aan [[Dirk Postma, seun van Marthinus|Dirk Postma]], teologiese student en toe die [[Tweede Vryheidsoorlog|oorlog]] in 1899 uitbreek, het sy hom gehelp om stilletjies weg te loop om as rebel by die Boeremagte aan te sluit. Ná die oorlog en nadat Dirk Postma van [[Boerekrygsgevangenes|ballingskap]] op [[Bermuda]] af teruggekom en hy sy studie voltooi het, is hulle getroud en het sy hom met liefde en toewyding as predikantsvrou bygestaan, eers op [[Burgersdorp]], waar ds. D. Postma as professor opgetree het, en daarna op [[Gereformeerde kerk Krugersdorp|Krugersdorp]], die oudste Gereformeerde gemeente op die [[Witwatersrand|Rand]] wat in 1898 gestig is. Dit was gedurende die tyd toe daar so baie Chinese in die myne gewerk het en sy moes lange dae alleen bly terwyl haar eggenoot oor 'n uitgestrekte gebied onder andere ook in [[Swaziland]] die bediening behartig het. Haar suster, [[Margaretha Postma|Margaretha]], was met haar man se broer [[Ferdinand Postma|Ferdinand]] getroud.
 
In 1906 is hulle na Burgersdorp waar ds. Postma as predikant werksaam was tot aan sy dood in Desember 1940. Ds. en mev. Postma het 'n groot huisgesin gehad, naamlik 15 kinders. Die tweede oudste, tweelingdogters, is jonk dood aan die gevreesde witseerkeel en is 10 dae ná mekaar begrawe op die familieplaas Brandvlei. Ten spyte van die druk werksaamhede as moeder van 'n groot huisgesin het Johanna Postma nog tyd oorgehad om haar aandag aan die gemeentelike werk te wy. Sy was baie getrou om oues van dae en siekes te besoek en het baie maal ure by hulle gewaak. Sy het haar kinders se klere self gemaak en daarby het sy nog tyd gehad om haar aandag aan die bedrywighede van die susters te wy. Onder haar leiding is een van die eerste sustersverenigings in Kaapland gestig; die vergaderings is gewoonlik in die [[pastorie]] gehou.