Volstruis: Verskil tussen weergawes

Content deleted Content added
k Jammer!
KMRJ (besprekings | bydraes)
Grootste voël op aarde, sy voorkoms, treë van 4,5m, mannetjie en wyfie volstruise, volstruisboerdery in SA
Lyn 35:
 
Snags maak die mannetjies 'n harde dreunbrul.
 
== Legende ==
Daar is 'n ou legende in omloop oor die volstruis, t.w. dat sy maag enigiets kan verteer. Die waarheid is dat die volstruis, soos 'n hele paar ander voëls, harde voorwerpe insluk wat dan in die maag bly en help om die voedsel fyn te maal. Dit is ook moontlik dat die volstruis deur helder, glinsterende voorwerpe aange­trek word en dat hy sulke voorwerpe net so os klippies insluk.
 
Hoewel die voorwerpe dus onregstreeks met die vertering help, word hulle beslis nie self verteer nie, en groot, skerp voorwerpe kan die voel se ingewande beseer. Dit is dus wreed en dwaas om groot, harde of skerp voorwerpe aan 'n volstruis te gee om in te sluk.
 
== Die grootste voël op aarde ==
Die volstruis is die grootste voel wat vandag op aarde aangetref word, hoewel groter soorte, soos die Nieu-Seelandse moa, maar taamlik onlangs eers uitgesterf het. Die volstruis kan nie vlieg nie en verskil van baie ander voëls in die opsig dat hy slegs twee tone aan el­ke poot het, waarvan die een veel groter as die ander is. Die poot kan eintlik as 'n hoef beskou word wat spesiaal aangepas is vir hardloop.
 
Die volstruis is na verwant aan die nandoe van Suid-Amerika en in 'n mindere mate ook aan die emoe en die kasuaris van Australasië. Volstruise het oorspronklik oor feitlik die hele Asië voorgekom en tot baie onlangs nog in Sirië en Arabië. Vandag word volstruise in die natuurlike staat slegs op die vaste­land van Afrika aangetref.
 
== Sy voorkoms ==
Slegs die liggaam van die volstruis is met vere bedek; sy kop, nek en bene (tot by die dye) is kaal of het hoogstens 'n ligte haarbedekking. Die kop is klein en plat en die voel het 'n breë, kragtige snawel. Die vlerke is klein en het geen stywe vere soos die vler­ke van die meeste voëls nie. Die mannetjie het sowat 35 wit vere en dekvere aan elke vlerk en die saam het 'n massa van sowat 'n halwe kilo­gram.
 
== Treë van 4,5 m ==
Die volstruis se oë is baie groot en hy kan goed sien. Sy bene is lank en buitengewoon sterk, en die tweetonige pote is goed aangepas vir hardloop oor gelyk grond. Die volstruis kan 'n snelheid van tot 48 km/h haal en sy tree is soms 4,5 m lank. Vanweë sy sterk bene kan die voël kragtig skop en ernstige beserings veroorsaak. Die volstruis skop nie agtertoe nie, maar vorentoe en af. Dit is daarom vir hom moeilik om iets wat lê te skop. Wanneer 'n kwaai volstruis mens jaag, is dit dus die beste om plat op die grond te gaan lê. Die manier om 'n volstruis in bedwang te hou, is om hom met 'n doringtak te nader, aangesien volstruise versigtig is vir enigiets wat hul oë kan beskadig.
 
'n Mannet)le-en wyfie­volstruise
 
Die mannetjie Iyk heelwat groter as die wyfie omdat hy gewoonlik sy bors " oplig". Sy rug is byna 1,5 m van die grond en hy kan 'n massa van tot 130 kg hê. Sy kop kan tot 2,4 m bo die grond wees. Die mannetjies het swart vere op hul liggaam en helderwit vere op hul vlerke en stert. Die wyfie se vere is grys-bruin.
 
== Volstruisboerdery in Suid-Afrika ==
Volstruisboerdery in Suid-Afrika is vandag grotendeels tot die distrik Oudtshoorn beperk. Volstruise broei in ons land enige tyd van die jaar as die omstandighede gunstig is. Die wyfie lê tussen twaalf en vyftien eiers, waarvan die massa sowat 1 kg elk is, d.w.s. net soveel as 24 hoendereiers. 'n Volstruiseier moet minstens 'n uur gekook word voordat dit gaar is. Die mannetjie maak 'n vlak holte in die grond waarin die wyfie haar eiers lê. Snags broei die mannetjie met sy swart vere, en bedags die wyfie. Dit duur 42 dae voordat die eiers uitgebroei is, en aangesien die klein volstruisies baie swak is, word hulle mooi opgepas en versorg deur hul ouers. Die mannetjie-volstruis se vere word elke ses maande gepluk. 'n "Hoedjie" word oor sy kop getrek en dan staan hy doodstil terwyl die vere gepluk word.
 
Tot op sestienjarige leeftyd lewer volstruise vere van 'n hoë gehalte, maar daarna is die vere nie meer so goed nie en word die voëls vir teëldoeleindes gebruik of hulle word geslag. 
 
== Subspesies ==
Line 62 ⟶ 87:
Lêer:Ostriches cape point.jpg|[[Mannetjie]] en [[wyfie]] by [[Kaappunt]], [[Suid-Afrika]].
</gallery>
 
== Bronnelys ==
* Kennis, Volume 2, 1980, bl.220-221, ISBN 0-7981-0823-1
 
== Sien ook ==