Parktown: Verskil tussen weergawes

1 384 grepe bygevoeg ,  5 jaar gelede
geen wysigingsopsomming nie
No edit summary
No edit summary
 
'''Parktown''' is 'n [[voorstad]] van [[Johannesburg]], [[Suid-Afrika]]. Dit is in Johannesburg se F-streek geleë. Parktown het met die aanlê daarvan die oorspronklike spogbuurte van die Goudstad, [[Doornfontein]] en [[Belgravia]], vervang as die stad se mees gesogte buurt.
 
Parktown begin sowat 2 km noord van die Johannesburgse stadsaal en strek die hele ent van Empireweg noordwaarts tot amper by die Johannesburgse Dieretuin. Aan die oostekant word dit begrens deur [[Houghton Estate|Houghton]] en in die weste deur [[Westcliff]]. Dit het die onderskeiding dat dit die eerste voorstad is wat nie beplan is om soveel moontlik erwe te verkoop ten einde wins te maak nie, maar vir die gerief en gemak van sy inwoners. Die gebied is in 1891 opgemeet deur die Eckstein-group (Corner House) met kontoerpaaie en standplase van sowat 'n halwe hektaar elk en met straatserwitute in die titelaktes om die insypeling van handel of nywerheid te voorkom. So is dit beplan om die stad se voortreflikste voorstad te wees. Die huise op Houghtonrif het 'n onbelemmerde uitsig van 50 km tot by [[Pretoria]] en die [[Magaliesberg]]. Van die magtigste magnate het hier gewoon, onder wie sir [[J.B. Robinson]], sir [[Lionel Phillips|Lionel]] en lady [[Florence Phillips]], kol. C.L. Andersson en sir [[George Albu]].
 
Parktown se water het oorspronklik gekom van die fontein by Sans Souci en is gepomp na twee hoë staalwatertenks, 'n treffende baken tot hulle in 1908 afgetakel is. In 1901 het lord [[Alfred Milner]] in Sunnyside kom woon, 'n paleisagtig woning, nou 'n privaat hotel. Die eerste motorbusse in Johannesburg het in 1904 van Corner House na Parktown geloop.
 
==Verwysings==
86 071

wysigings