Jeppestown: Verskil tussen weergawes

Toe in 1887 verwag is dat die jaar oue myndorp Johannes oos of wes sou uitbrei in lyn met die goudrif, het die Jeppe & Ford Estate Company van [[Julius Jeppe sr.]], saam met sy seun [[Julius Jeppe|Julius]], en F.L. Ford Jeppestown oos en [[Fordsburg]] wes van die middedorp aangelê. Die vennote het ryk geword uit die verkoop van erwe of standplase. Jeppestown en [[Belgravia, Johannesburg|Belgravia]] het bestaan uit 2 709 standplase, waarvan die eerste in Augustus 1889 verkoop is. Talle spogwonings is in Jeppestown gebou en die eerste openbare gedenkteken in Johannesburg, 'n obelisk ter nagedagtenis aan Jeppe, die stigter van die voorstad, en van die Jeppe-familie, is in 1893, sy sterfjaar, in Jeppestown opgerig. Toe die spoorlyn deur die voorstad gebou moes word, het Julius Jeppe sr. die grond daarvoor geskenk op voorwaarde dat alle treine sou stilhou vir passasiers by die Jeppe-stasie. Die [[Zuid-Afrikaansche Republiek|ZAR]] se spoorwegowerheid het dié bepaling getrou nagekom, maar dis laat vaat tydens die [[Tweede Wêreldoorlog]]. Die eerste trems deur perde getrek het in 1894 met Commissionerstraat langs tot in Jeppestown by die Belgravia-tolhekke geloop.