Verskil tussen weergawes van "Tweede Wêreldoorlog"

geen wysigingsopsomming nie
(Ávila Camacho)
Die '''Tweede Wêreldoorlog''' was 'n wêreldwye militêre konflik wat geduur het van [[1939]] tot [[1945]], alhoewel verwante konflik al vroeër begin het. Die oorlog was 'n samesmelting van twee konflikte: een wat in [[Asië]] begin het as die [[Tweede Sjinees-Japannese Oorlog]] en die ander wat in [[Europa]] begin het met die [[Inval van Pole]]. Dit was die mees wydverspreide oorlog in die geskiedenis, en het direkte betrekking gehad tot meer as 100 miljoen mense uit meer as 30 lande.
 
Die oorlog is veroorsaak deur die onbevredigende besleg van die [[Eerste Wêreldoorlog]] en die ekspansionistiese ambisies van die drie hoof spilmoondhede ([[Nazi-Duitsland|Duitsland]], [[Italië]] en [[Japan]]), maar ook die Sowjetunie se strategiese belange in [[Finland]], [[Bulgarye]] en die Europese see-engtes. Vanweë die geskille met Stalin en sy minister van buitelandse sake, Molotof, oor die afbakening van die Sowjetunie se belangesfere in Europa, wat 'n voorvereiste vir die Sowjet-toetrede tot die Anti-Britse koalisie van Duitsland, Italië en Japan was, het Hitler uiteindelik die besluit geneem om die Sowjetryk met 'n verrassende aanval uit te skakel.<ref>{{de}} Jacobsen, Dr. Hans-Adolf: ''Der zweite Weltkrieg''. In: ''Unser Jahrhundert im Bild''. Gütersloh: Prisma 1985, bl. 501</ref>
 
Hierdie globale konflik het meeste van die wêreld se nasies in twee kampe verdeel: die [[Geallieerdes van die Tweede Wêreldoorlog|Geallieerdes]] en die [[Spilmoondhede]]. As gevolg van die groot skaal waarop die oorlog plaasgevind het, het meer as 60 miljoen mense omgekom, wat beteken dat dié konflik ook die dodelikste in die aangetekende geskiedenis van die mens is.<ref>{{en}} {{cite web |title=World War II: Combatants and Casualties (1937–1945) |url=http://web.jjay.cuny.edu/~jobrien/reference/ob62.html|accessdate=20 April 2007}}</ref> Die oorlog was tot dusver ook die enigste waartydens sowel kernwapens (deur die VSA in Japan) asook biologiese en chemiese wapens (deur Japan in Sjina) gebruik is.