Anna Bender: Verskil tussen weergawes

Die [[Klavier|pianis]] '''Anna Bender''' ([[1919]]-[[2004]]) op [[Piet Retief, Mpumalanga|Piet Retief]] gebore. Haar moeder was haar eerste leermeesteres, maar later het sy ook in [[Londen]] onderrig ontvang van I.J. Haarhoff, Isador Epstein en Louis Kentner.

In [[1950]] is sy as amptelike begeleidster by die destydse [[SAUK]] aangestel, en in die 20 jaar wat sy dié pos beklee het, het sy talle bekende internasionale kunstenaars begelei, onder andere Marcel Wittrisch. As solis het sy byvoorbeeld onder vooraanstaande gasdirigente soos Strawinski opgetree.

In [[1975]] is sy aangestel op die personeel van die Pretoriase Technikon nadat sy 'n tyd lank [[Redakteur|redaktrise]] van die musiektydskrif ''Opus'' was. Uit haar pen het 'n twintigtal radiopraatjies oor musiek verskyn. Sy het ook 'n boek, ''Vir die musiekleier,'' gepubliseer.

Sy was ook ʼn kampvegter vir die [[Afrikaans|Afrikaanse]] [[lied]] en lewer 'n groot bydrae tot die optekening en bewaring van die Afrikaanse liedereskat.