Gereformeerde kerk Biermanskool: Verskil tussen weergawes

Die '''Gereformeerde kerk Biermanskool''' was ’n [[Gereformeerde Kerke in Namibië|Gereformeerde gemeente]] in [[Namibië]], maar het die GKSA in [[2016]] verlaat. Die gemeente het die onderskeiding gehad dat sy kerkgebou die oudste Gereformeerde kerk was wat steeds in Namibië in gebruik was.

Biermanskool is in [[1955]] as die Gereformeerde kerk Vanjaarsveld gestig, waarskynlik so genoem na ds. H.S. van Jaarsveld, wat die eerste Gereformeerde kerke in [[1930]] in [[Suidwes-Afrika]] kom stiggestig het. In [[1961]] is die naam verander na Outjo-Wes, maar in [[1985]] kom ’n tweede naamsverandering, toe die gemeente Biermanskool word. Die gemeente se kerkgebou staan op die plaas Urumube in die distrik [[Kamanjab]]. (Op laasegenoemde dorpie[[dorp]] het van [[1969]] tot [[1977]] die [[Gereformeerde kerk Kamanjab]] bestaan, maar veel oor sy ontstaan en geskiedenis is nie meer bekend nie.) Op hierdie plaas het ’n selfonderhoudende skool ontstaan wie se leerders hoofsaaklik Gereformeerdes se [[Kind|kinders]] was. Die skool, en later die gemeente, is genoem na ene mnr. Bierman, die inspekteur van onderwys, hoewel ’n ander bron dit wil hê dat hy administrateur van Suidwes-Afrika was.

Op die plaas Urumube was geen kerkgebou nie; daarom moes die Gereformeerdes, wat meestal nasate van (of enkele oorspronklike) [[Dorslandtrek]]kers was wat van [[1928]] tot [[1930]] na Suidwes-Afrika gerepatrieer is, [[Seil|seile]] span waaronder hulle eredienste kon hou. Later is die skoolkoshuis se eetsaal vir dié doel ingespan. Destyds was die plaas en omgewing net ’n wyk van die [[Gereformeerde kerk Outjo]] en het dit die naam Vanjaarsveld-wyk gekry.

Omstreeks [[1948]] het bouwerk aan Vanjaarsveld-wyk se eie kerk[[Kerk (gebou)|kerkgebou]] volgens die plan deur die [[Argitektuur|argitek]] Max Ecker, ’n [[Duitsland|Duitser]] wat in die omgewing kom aftree het, begin. Danie Oosthuizen was voorsitter van die boukommissie. Die wyk het £230 ingesamel vir die oprigting van hul eie kerkgebou. Volgens oorlewering het ’n lidmaat dié ingesamelde geld gevat en [[Bees|beeste]] gekoop en ’n [[windpomp]] vir homself laat oprig. Hy is toe gedwing om die hele gebou, wat in [[1949]] voltooi is, uit sy eie sak te laat oprig. Ds. [[Johan van Ryssen|J.W.J. van Ryssen]] het die ingebruikneming van die kerk in Februarie 1949 waargeneem. Hy was [[Dominee|leraar]] van die [[Gereformeerde kerk Outjo]] van [[1949]] tot [[1953]].

In die Gereformeerde Kerk se eeufeesjaar ([[1959]]) het die gemeente Vanjaarsveld 91 belydende lidmate gehad. Einde [[1997]] was dit net 25, maar teen einde [[2014]] het dit toegeneem tot 45. Biermanskool het sedert [[2008]] saam met [[Gereformeerde kerk Outjo|Outjo]], [[Gereformeerde kerk Aranos|Aranos]], [[Gereformeerde kerk Otjiwarongo|Otjiwarongo]], [[Gereformeerde kerk Namib-Kus|Namib-Kus]] en [[Gereformeerde kerk Khomas-Hoogland|Khomas-Hoogland]] onder die Klassis Waterberg geressorteer, terwyl die ander 12 Namibiese gemeentes die Klassis Etosha vorm. In [[2006]] het al die Namibiese kerke in Klassis Waterberg, behalwe Otjiwarongo wat na Etosha teruggekeer het, die GKSA verlaat.