Gian Lorenzo Bernini: Verskil tussen weergawes

Content deleted Content added
Besig om artikel te skep; skakels en bronnelys bygevoeg.
 
toevoeg Piazza van St. Pieterskerk
Lyn 5:
Van die werke, wat vandag nog in die Galleria Borghese in Rome bewaar word, kan veral die beeld van [[Dawid (Bernini)|Dawid]] (1623) as 'n belangrike monument in die ontwikkeling van die beeldhoukuns beskou word. 'n Volkome nuwe element is Bernini se vermoë om die toeskouers as 't ware aktief by die handeling te betrek: Deur Dawid se houding word die teenwoordigheid van Goliat gesuggereer.
 
Omstreeks 1585 het die pouse met 'n kampanje begin om Rome die mooiste stad in die [[Christendom|Christelike]] wêreld te maak. Die [[kuns]]<nowiki/>te het hierin 'n groot rol gespeel en danksy Urbanus VIII (1623-1644), Innocentius X (1644-1655) en Alexander VII (1655-1667) was Bernini sy lewe lank van groot opdragte verseker. Sy geboue, beeldhouwerke en skilderye getuig vandag nog van sy veelsydige kunstenaarskap. Verder het hy ook antieke geboue en beelde gerestoureer, kostuums en dekorstelle vir die teater ontwerp asook groot vuurwerkvertonings beplan. Bernini se grootste belang lê egter in sy strewe om die grense van die verskillende kunssoorte te ignoreer en dit alles in diens te stel van één argitektoniese opvatting. Voorbeelde van sulke ensembles is die Cornaro-kapel in Rome (1644-1652), die kateder van Petrus in die apsis van die [[Sint Pieterskerk, Rome|St. Pieterskerk]] (1657-1666), die interieur van die Santa Andrea al Quirinale in Rome (1655-1678) en die Scala Regia in die [[Vatikaanstad|Vatikaan]] (1663-1666). Bernini se werk is ook deur die Teenhervorming en die mag van die pousdom beïnvloed. So is die [[Tritonfontein]] in Rome (1642-1643) nie net 'n tipiese voorbeeld van 'n Barokstraatversiering nie, maar ook die simbool van pouslike heerskappy onder Goddelike leiding.
 
As [[Argitektuur|argitek]] was sy grootste werk die [[Piazza]] (publieke binneplein in middel van Iataliaanse dorp) van die [[Sint Pieterskerk, Rome|St. Pieterskerk]]. Dit moes so groot moontlik wees om die reuse-skare te huisves wat tydens besondere kerklike geleenthede byeenkom om na die [[Pous]] te luister. Die Pous het vanaf die [[balkon]] bo die sentrale ingang van die kerk 'n boodskap gelewer en die seën uitgespreek. Die aanloop na die kerk moes so mooi moontlik wees, en dit moes tred hou met die grootte en belangrikheid van die kerk self. Die mense wat aan die groot [[optog]]<nowiki/>te deelneem, moes teen die wind en weer beskut word.
 
'''Bernini''' het die probleme opgelos deur 'n groot, ovaalvormige [[piazza]] of [[Piazza|plein]], omring deur [[pilaargang]]<nowiki/>ge, te bou. Die suile wat, wat vier diep staan, gee 'n mens die indruk van reusekrag en massa.
 
== Bronnelys ==
* Wêreldspektrum, Vol. 3, 41-42, ISBN 0 908409 44 3
* Kennis, 1980, vol 3, bl. 441-443, ISBN 0 7981 0825 8