Hannes Noëth: Verskil tussen weergawes

Ds. '''Johannes Georg (Hannes) Noëth''' (gebore [[11 Augustus]] [[1974]]) is 'n skrywer en direkteur van Solidariteit se Helpende Hand-beweging. Hy was tot einde Oktober 2017 predikant in die [[Gereformeerde Kerke in Suid-Afrika]] en hoof van die [[Gereformeerde Skool Dirk Postma]] in Pretoria.

 

Noëth het grootgeword op die plaas Twyfelhoek tussen [[Petrusburg]] en [[Koffiefontein]] in die Suidwes-Vrystaat. Hy matrikuleer in 1992 aan die Hoërskool A.J.C. Jooste op Petrusburg en verwerf in 1995 'n B.A.-graad met Grieks en filosofie as hoofvakke aan die destydse [[PU vir CHO]]. In 1998 volg 'n B.A. Hons. in teologie en in 1999 'n Th.B. Hierna voltooi hy sy teologiese opleiding aan die Gereformeerde Kerke se Teologiese Skool op Potchefstroom met 'n meestersgraad (Th.M.) in huweliksetiek.

 

Sy eerste gemeente, van 2000 tot 2006, was [[Gereformeerde kerk Wolmaransstad|Wolmaransstad]], waarna hy 'n beroep na [[Gereformeerde kerk Naboomspruit|Naboomspruit]] aanvaar en daar dien tot 2009. Van Januarie 2010 tot 2013 was hy leraar van die [[Gereformeerde kerk Kimberley]], maar aanvaar in 2014 'n beroep as medeleraar na [[Gereformeerde kerk Totiusdal|Totiusdal]] en word terselfdertyd hoof van die [[Gereformeerde Skool Dirk Postma]], wat geleë is binne Totiusdal se gemeentegrense.

 

Noëth het sedert 1994 in die deputate vir historiese sake van die Gereformeerde Kerke in Suid-Afrika gedien. Omstreeks 2010 het hy begin werk aan sy Th.D. aan die Universiteit van die Vrystaat oor die prediking tydens die [[Tweede Vryheidsoorlog|Anglo-Boereoorlog]]. Terselfdertyd was hy teksredigeerder, samesteller en verwerker betrokke by die opstel van ''Van seringboom tot kerkgebou, die argitektoniese erfenis van die Gereformeerde Kerke'', wat in 2010 die lig gesien het. Hy is, saam met M.C. van Rooyen, medesamesteller van ''My Dopperdagboek'', waarvan die eerste uitgawe op [[9 Desember]] [[2016]] verskyn het en die tweede op [[27 November]] [[2017]]. Noëth dien in die direksie van die Erfenisstigting.