Nederduitse Gereformeerde Kerk van Transvaal: Verskil tussen weergawes

Afgesien van die groep van agt Gereformeerde Kerke onder die Kruis wat ds. [[Stephanus Jacobus du Toit|S.J. du Toit]] van die [[Paarl]] bedien het, en wat van 1897 af uit ontevrede lidmate van die [[Nederduitse Gereformeerde Kerk]] ontstaan het, het daar nog in Transvaal vanaf 1905 'n groepie gemeentes los van die Ned. Herv. of Geref. Kerk bestaan onder die naam Nederduitse Gereformeerde Kerk van Transvaal, en eers vanaf 1910 het hulle die naam [[Gereformeerde Kerke onder die Kruis]] aanvaar. Die ontstaan van hierdie Kerk gaan direk terug na die [[Tweede Vryheidsoorlog|Engelse Oorlog]]. Weens die verbittering en verwydering tussen die twee groepe lidmate, naamlik die "bittereinders" onder die boere en "scouts", wat wapens opgeneem het saam met die Engelse teen die Boere, het die kerk 'n uiters moeilike taak gehad om vrede en versoening tussen hulle te probeer bewerkstellig. Laasgenoemde groep was eintlik in twee afdelings, naamlik diegene wat van mening was dat na inname van die hoofstede van die Republieke die oorlog gestaak moes word – vandaar dat sommige van hulle toe huis toe gegaan het – en die ander deel wat wapens opgeneem het teen die boere en in die wandeling "scouts" of "joiners" genoem is.