In die [[Westerse wêreld|Westerse kultuur]] word die vier hooffases van die Maan '''donkermaan''', '''eerste kwartier''', '''volmaan''' en '''laaste kwartier''' genoem. Die kwartiereHulle kom voor wanneer die hoek tussen die Son en Maan soos die waarnemer dit sien, 90 grade is. ’n Meer ingewikkelde verduidelik is: wanneer die Maan se oënskynlike geosentriese [[Lugkoördinaatstelsel|hemellengtegraad]] minus die Son se oënskynlike geosentriese hemellengtegraad onderskeidelik 0°, 90°, 180° en 270° is. In die tye tussen hierdie hooffases lyk die Maan óf sekel- óf bolvormig. Hierdie vorms en tye word tussenfases genoem. Hulle duur rofweg 7,4 dae, maar dit wissel effens vanweë die Maan se elliptiese wentelbaan; dit veroorsaak dat sy wentelspoed nie konstant is nie. Die term "groeiend" word gebruik vir tye wanneer die Maan se verligte deel aan die groter word is, en "afnemend" vir wanneer dit aan die kleiner word is.
