Totius: Verskil tussen weergawes

Prof. '''Jacob Daniël du Toit''', beter bekend as '''Totius''' (* [[21 Februarie]] [[1877]] – † [[1 Julie]] [[1953]]), was 'n gevierde [[Unie van Suid-Afrika|Suid-Afrikaanse]] en [[Afrikaans|Afrikaanse]] [[digter]], [[Dominee|predikant]] en hoogleraar aan die [[Teologiese Skool Potchefstroom|Teologiese Skool]] van die [[Gereformeerde Kerke in Suid-Afrika|Gereformeerde Kerk]] op [[Potchefstroom]]. Hy is in 1877 in die [[Paarl]] gebore as die seun van [[Stephanus Jacobus du Toit|S.J. du Toit]], die vader van die [[Eerste Afrikaanse Taalbeweging]].

Totius het sy studie in [[Daljosafat]] (Hugenote-Gedenkskool), [[Burgersdorp]] en [[Amsterdam]] afgelê. Na sy terugkeer na Suid-Afrika het hy predikant van die [[Gereformeerde Kerk]] in Potchefstroom geword. Gedurende die [[Tweede Vryheidsoorlog]] was hy 'n kapelaan van die [[Boere]]. Hy het later 'n doktorsgraad in [[teologie]] aan die [[Vrije Universiteit Amsterdam]] verwerf en is aangestel as professor van die Teologiese Skool in [[Potchefstroom]]. Hy sterf in [[Pretoria]] in 1953.

Sy [[Letterkunde|letterkundige]] nalatenskap sluit die eerste vertaling van die [[Bybel]] en die [[Psalms]] in [[Afrikaans]] in. Onder die [[skuilnaam]] Totius het hy [[Poësie|gedigte]] geskryf, meestal oor sy liefde van [[mens]], [[natuur]] en die botsende [[ideologie]] van [[Britse Ryk|Britse imperialisme]] en [[Afrikanernasionalisme]].