299
wysigings
Verskil tussen weergawes van "Antibiotikum"
k
toevoeg
k (Kategorieë gealfabetiseer) |
k (toevoeg) |
||
|
Baie antieke kulture, insluitend die [[Griekeland|antieke Grieke]] en die [[China|antieke Chinese]], het [[muf]] en ander plante gebruik om [[Besmetting|besmettings]] te behandel. Dit het gewerk omdat sommige mufsoorte antibiotiese stowwe afskei. Hulle kon egter nie die aktiewe bestanddele uitken of onttrek nie.
Die eerste antibiotikum is ontdek toe [[Alexander Fleming]] in [[1928]] in Engeland daarin geslaag het om die stof ''penisillien'' van 'n skimmelgewas in die laboratorium te skei. Fleming het ontdek dat 'n bepaalde skimmel, ''Penicillium notatum,'' wat in die laboratorium op 'n bakteriekultuur gegroei het, die spesifieke bakterie vernietig het. Hy het die gevolgtrekking gemaak dat 'n sekere stof wat deur hierdie skimmel afgeskei word, die bakterie uitwis en die stof penisillien genoem.
Hierdie ontdekking het tot grootskaalse navorsing gelei en in [[1940]] kon wetenskaplikes penisillien op groot skaal vir menslike gebruik vervaardig . Baie ander antibiotika is sedertdien ontwikkel en hul bydrae tot die vordering van die mediese wetenskap is van onskatbare waarde.
As 'n mens die sterftesyfers as gevolg van sekere infeksies voor-en na die ontdekking van antibiotika vergelyk, blyk die belang van antibiotika duidelik. Voor die ontdekking van penisillien het soveel as 85% van die mense wat longontsteking opgedoen het, gesterf.
Die volgende antibiotika word tans algemeen gebruik: penisillien, bensielpenisillien, fenoksimetiel penisillien, ampisillien, fenetisillien, metisillien, tetrasiklien, streptomisien, chlooramfenikol, eritromisien, neomisien, polimiksien B, ens.
'''''Streptomisien:''' ''Streptomisien is nog 'n groep breëspektrum antibiotika wat besonder doeltreffend is teen bakterieë
Streptomisien het ook meer dikwels as penisillien en tetrasiklien 'n toksiese uitwerking. Die oormatige gebruik van streptomisien kan in sommige gevalle die gehoor senuwees aantas en as die gebruik daarvan dan nie gestaak word nie, kan die pasiënt moontlik [[Doofheid|doof]] word.
'''''Penisillien'':''' Penisillien is veral effektief teen infeksiesiektes wat deur [[streptokokke]] bakterieë veroorsaak word. [[Penisillien]] word gebruik vir die genesing van besmette wonde, pitsere, absesse, akute mangelontsteking, skarlakenkoors, rumatiekkoors, longontsteking, harsingvliesontsteking, beenmurgontsteking, gonorree, sifilis, ens.
Penisillien is vroeër gereeld in salwe, oogdruppels, oordruppels en dies meer gebruik, maar as gevolg van die groot weerstand wat bakterieë teen hierdie middel kan opbou, is die wye gebruik gestaak.
Word ook gebruik om lewensgevaarlikge toestande soos bloedvergiftiging te beveg.
'''''Tetrasiklien:''''' Tetrasiklien is 'n groep breëspektrum-antibiotika wat ook vir 'n wye verskeidenheid infeksiesiektes gebruik word. Dit rem bakteriese groei deur die proteïen sintese te versteur.
== Bronnelys ==
* Wêreldspektrum, Volume 2, bl.29-30, ISBN 0 908409 41 9
* KENNIS, vol 7, 1980, bl. 1276-1277, ISBN 0 7981 0829 0
== Sien ook ==
*[[Fenoksimetielpenisillien]]
*[[Bensielpenisillien]]
*[[Alexander Fleming|Alexander Flemming]]
*[[Bloedvergiftiging]]
[[Kategorie:Antibiotika| ]]
| |||