Planetarium

'n Planetarium is 'n teater waar die naghemel en opvoedkundige sterrekundige vertonings uitgebeeld word. Dit is meestal vir opvoedkundige doeleindes of vir opleiding in navigasie.

Dit is 'n vertrek met 'n koepeldak, waarteen 'n voorstelling van menige deel van die nagtelike hemelruim met behulp van 'n spesiale projekstoel geprojekteer kan word. Deur die druk van 'n paar knoppies kan die opearteur 'n meteoor aan die "hemelkoepel" laat verskyn en verdwyn. Binne minute kan die baan van 'n bepaalde hemelligaam deur die hele jaar getoon word, soos dit van enige plek op die aarde waargeneem kan word. Of hoe die sterrehemel van dag tot dag verander kan vertoon word. In die behoefte aan 'n duidelike beeld van die hemelruim voldoen die planetarium dus. Omdat dit te moeilik is om die aaneenloopende beweging van die hemeliggame sonder die gebruik van sterrekundige instrumente te volg, kan selfs jong gehore deel word van die geheime van die wonders van die sterrenag.

In Suid-Afrika is daar 'n plantarium in Kaapstad in die Suid-Afrikaanse Museum in die Kompanjestuin. Daar is ook in Johannesburg 'n planetarium.

Gallery

• 
  Planete in wentelbane tydens 'n planetarium vertoning
• 
  Rooi reuse ster tydens 'n planetarium vertoning
• 
  Planetarium en mense wat hul beurt afwag tydens die Bristol Harbour Fees in 2008.
• 
  Hemelruim-projektor by die Carl Zeiss Planetarium in Stuttgart
• 
  Adler Planetarium in Chicago
• 
  Hemelruim-projektor by die Planetarium in Mannheim

Bronnelys

• KENNIS,  vol 14, 1980, bl. 2744,  ISBN 0 7981 0836 3

Eksterne skakels

• Planetarium