Henry Moore: Verskil tussen weergawes

'''Henry Moore''' (30 July 1898 – 31 August 1986) was 'n Engelse [[Beeldhoukuns|beeldhouer]] wat bekend is vir sy brons- en klipbeelde van die mens wat in sy elementêre en gereduseerde vorm weergegee word. Drie [[Tema|hooftemas]] kan in sy werk onderskei word, naamlik moeder en kind, liggende figuur en familie.

 

Henry Moore is op 30 Julie 1898 in Castleford ([[Yorkshire]]) gebore. Hy wou as kind reeds 'n beeldhouer word. Ná 2 jaar se opleiding aan die Leeds School of Art is hy in 1921 na die Royal College of Art in [[Londen]]. Die kunswerke in museums wat hy besoek het, het 'n groter invloed op sy werk gehad as die akademiese onderrig wat hy ontvang het, en in sy vroeë werke is elemente van die [[Egiptiese kuns|Egiptiese]], [[Babiloniese kuns|Babiloniese]], Argaïese, [[Etruskiese kuns|Etruskiese]] en [[Mexikaanse kuns|Oud-Mexikaanse kuns]], sowel as elemente van die primitiewe kuns van [[Afrika-kuns|Afrika]] en die [[Suidsee-eilande]] te bespeur. Moore se beelde word bepaal deur sy suiwer gevoel vir massa en volume, vlak en Iyn, holtes en kurwes en 'n eenheid van begrip. Van die begin af kon daar 3 hooftemas in sy werk onderskei word, naamlik moeder en kind, liggende figuur en familie, meestal oergestaltes met 'n magiese krag wat tot die toeskouer spreek.

Aanvanklik is Moore beïnvloed deur tydgenote soos [[Jacob Epstein]] (1880-1959) en [[Jean Arp]] (1887-1966), maar ná 1930 het sy werk selfstandiger geword. Geërodeerde vorme van skulpe en kieselstene wat deur die see glad geskuur is, het toe die inspirasie vir sy [[Abstrakte kuns|geabstraheerde]] menslike gedaantes gevorm. In 1928 het hy sy eerste opdrag, ''Noordewind,'' vir 'n Londense stasie ontvang. Sy ''Liggende vrou'' (1929), wat in die Leeds City Arts Galleries staan, is 'n oorspronklike vertolking van 'n rustende figuur op 'n Etruskiese sarkofaag.