Dumile Feni: Verskil tussen weergawes

'''Zwelidumile Geelboi Mgxaji Mslaba “Dumile” Feni''' (May 21, 1942 – 1991) was ʼn Suid-Afrikaanse kontemporêre beeldende kunstenaar wat vir sy sketse, skilerye en beeldhouwerke bekend was. Hy word as een van die pioniers van die sogenaamde township-kuns in Suid-Afrika beskou. Dumile se kuns is baie emosioneel en is 'n regstreekse kommentaar op die destydse '''[[Apartheid|Apartheidsbeleid''']] in Suid-Afrika. Hy het ook modelleerwerk, veral figure in terra-cotta, gedoen.

Dumile is in 1942 in '''[[Worcester''']] in die Wes-Kaap gebore. Sy moeder is oorlede toe hy 6 jaar oud was en hy het saam met sy gesin eers na Kaapstad en 5 jaar later na Johannesburg verhuis. Sy uitsonderlike kunstalent is egter eers in 1964 "ontdek" terwyl hy mediese behandeling in 'n Johannesburgse hospitaal ontvang het. ‘n Jaar later het hy sy eerste eenmanuitstalling gehou en in 1967 het hy Suid-Afrika op die '''[[Biënnale|Sao Paulo-Biënnale''']] verteenwoordig. Hy is in 1968 na die buiteland en het nie na Suid-Afrika teruggekeer nie.

Hoewel Dumile 'n goeie [[Beeldhoukuns|beeldhouer]] is, is hy beter bekend om sy [[Grafiese kuns|grafiese]] werk. Die meeste van sy werk is 'n weerspieëling van die Swartman se soeke na identiteit te midde van die sosiale probleme wat in die township-Iewe ervaar is. Sy werk is vol emosie en in 'n mate morbied. Sy innerlike en fisieke belewenisse word deur middel van die houding en struktuur van die menslike liggaam uitgebeeld. Baie van sy werke bevat ook elemente van 'n universele begeerte om na die verlede of 'n landelike bestaan terug te keer. AI sy werke bevat 'n bepaalde vitaliteit, wat daarop dui dat dit ten tyde van sterk emosionele gevoelens geskep is. Daar is dikwels 'n algehele gebrek aan dieptewerking in sy tekeninge, wat alle elemente van realiteit uitsluit en die simboliese betekenis van die kunswerk benadruk.

Hy het tussen 1968 – 1991 in selfopgelegde ballingskap in onder andere [[Londen]], [[Los Angeles]] en [[New York Stad|New York]] gewoon.<ref>https://en.wikipedia.org/wiki/Dumile_Feni</ref>

Van sy werk is in talle private versamelings asook in die [[Nasionale Kunsgalery (Kaapstad)|Nasionale Kunsgalery in Kaapstad]], die [[Durbanse Kunsgalery]] en die [[Pretoriase Kunsmuseum]] opgeneem. Sy werk word ook in versamelings in die VSA, Brittanje, België, Swede, Israel en ander oorsese lande waar hy besoek afgelê het, verteenwoordig.

* Wêreldspektrum, Vol. 20, 29, ISBN 0 908409 61 3