Daar bestaan teenstrydige verklarings oor die herkoms van die naam Luckhoff. C.[[Charles Pettman]] in sy ''Place Names of the O.F.S.'' (1922) en Joubert in ''De oorsprong van tweehonderd S.A. plaatsnamen'' (1917) sê dat die plek vernoem is na ds. [[Anton Daniël Lückhoff|A.D. Luckhoff]], predikant van [[NG gemeente Colesberg|Colesberg]], later [[NG gemeente Kaapstad|Kaapstad]] en toe [[NG gemeente Durbanville|Durbanville]]. Hy was jare lank aktuaris van die Kaapse Kerk. Eerw. J. Kachelhoffer, van Observatory, het hierdie verklaring in ''[[Die Burger]]'' van 7 Januarie 1939 betwis na aanleiding van 'n artikel deur prof. [[P.J. Nienaber]] oor Luckhoff in dieselfde koerant. Kachelhoffer skryf: "Ek is van [[Fauresmith]], daar gebore en groot geword. U skryf in ''Die Burger'' dat die dorp Luckhoff na ds. A.D. Luckhoff, Snr., genoem is. Dit is nie so nie. Koffiekuil was die plaas van mnr. Izak Rabie, en toe dit 'n gemeente word, is dit na ds. Luckhoff van [[NG gemeente Fauresmith|Fauresmith]] genoem. Ek herinner my goed hoe hy meer as eens afgekondig het: 'Ik zal D.V. a.s. week te Luckhoff (de plaats naar mij vernoemd) een dienst houden.' Ds. (Z.J.) van Wyk, assistent-redakteur van ''[[Kerkbode|Die Kerkbode]]'', was 32 jaar predikant op Luckhoff. Hy sal my bewering bevestig. So ook ds. E.G. Malherbe, van [[Somerset-Wes]]." Ds. Heinrich Jacob Luckhoff is gebore op [[30 November]] [[1842]]. Hy is georden as predikant van Fauresmith op [[16 Mei]] [[1868]]; predikant van [[NG gemeente Maclear|Maclear]] in 1900. In 1909 het hy sy [[emeritaat]] aanvaar, en is oorlede op [[22 April]] [[1923]].
