Henk Rall: Verskil tussen weergawes

Op prosagebied is sy kortverhaalbundel “''''' 'n Bokram by die see'''''”<ref>Brink, André P. “Rapport” 26 November 1978</ref> 'n belangrike bydrae, waar veral sensualiteit in dramatiese en spannende, selfs gewelddadige, verhale weergegee word. Die deurlopende tema in hierdie verhale is die emosionele en erotiese spanning tussen mense. 'n Hoogtepunt is die jagverhaal “''Omba muungu''” waar die jagter op die spoor is van 'n magtige olifant. Deur die bybring van ou jagverslae word hierdie spesifieke jagtog 'n simbool van die mensdom se jag op die dier en verkry dit 'n noodlotsgevoel, waar die dood eindelik die oorwinnaar is en die jag in groot mate in die jagter se kop afspeel.<ref>Brink, André P. “Tweede Voorlopige Rapport” Human & Rousseau Kaapstad Pretoria Johannesburg Eerste uitgawe 1980</ref> “''Bloedbroers''” het as tema beide hoofkarakters se boosheid, gebind deur 'n gemeenskaplike bose doelwit om 'n silwerkruis te steel, 'n kunswerk na die motief van die Malteserkruis wat simbool is van die doel om pelgrims te verpleeg en te beskerm. Die verteller is 'n wapensmokkelaar vir woestynbewoners in Afrika.<ref>Olivier, Gerrit “Standpunte” Nuwe reeks 142, Augustus 1979</ref> Hy ontmoet sy eweknie op Malta, waar die verteller deur sy “broer” uitoorlê word in hulle onderlinge magspel. Van Rall se kortverhale word in versamelbundels opgeneem, waaronder “''Vuurslag''” en “''Wys my waar is Timboektoe''”, beide onder redaksie van Hennie Aucamp, en “''Die Afrikaanse kortverhaalboek''” van Abraham H. de Vries. Sy skets oor “''Khartoem''” verskyn in “''Stad en stedelig''”, 'n versamelbundel met sketse en vertellings oor wêreldstede.

 

 

Hy skryf ook langer prosa. “'''''Ringmure'''''”<ref name="ReferenceA"/> kan gesien word as drie afsonderlike verhale (“''Die dokter''”, “''Con''” en “''Die stories''”) wat verskillende perspektiewe gee op dieselfde saak, of selfs as 'n roman met drie afsonderlike hoofstukke en perspektiewe. Die verhale gee 'n beeld van die mens in sy eensaamheid met die mure wat hy om hom gebou het. Deurlopend deur die verhale is die liefde en morele en emosionele vraagstukke, hetsy tussen ongehude man en vrou, tussen 'n egpaar of in gewone medemenslike verhoudings. Die kind staan sentraal in al die verhale, veral die prenatale kind en die reaksie van die karakters daarop. Sommiges begeer 'n kind, maar verkry nie die voorreg nie, terwyl ander in vrees lewe vir die verwekking van 'n onwelkome kind.